السلام عليكم ورحمة الله وبركاته
ازيكم يا بنات؟ عاملين ايه؟ دي أول مرة أضع موضوع في الركن و أتمنى ان الأكلة تعجبكم و عاوزة أضع لكم طريقة عمل الكبدة الاسكندراني و دي أكلة مصرية نسبة لمدينة الاسكندرية. و ان شاء الله تعجبكم.
المقادير
12 ك كبدة (طبعا الكميات ترجع لكل واحد)
3 بصلات وسط
3 حبات فلفل رومي (بارد)
2 حبة طماطم
ملح و فلفل أسود و بهارات
فصين ثوم مدقوقين
ملعتين كبار صلصة طماطم
12 ملعقة خل
زيت ذرة
الطريقة:
تقطع الكبدة مكعبات صغيرة. يقطع البصل كالاتي: كل بصلة تقطع أربع إرباع و بعدين تقطعيها شرايح رقيقة نوعا. الفلفل برضه يقطع نصفين و بعدين شرايح رقيقة. الطماطم برضه نقطعها اربع ارباع و تقطع شرايح رقيقة.
نجيب الطاسة التيفال و نضع فيها الزيت لكن مش كتير ممكن ملعقة طعام أو اتنين. نضع البصل و نقلب حتى يذبل و لكن لا يصفر ثم نضيف الفلفل و نقلب حتى يذبل الفلفل كمان ثم نضيف الطماطم مع التقليب حتى تختلط بالباقي. ثم نضيف الكبدة و نقلب و نتبلها بالتوابل المذكورة. أما الخل و الصلصة و الثوم الدقوق نخلطهم مع ذرة سكر و نقلبهم كويس لحد ميبقى عامل زي الكاتشب و نضيفهم الى الكبدة بعد نضجها و لو محتاجة نقطة ميه ممكن نضيف شوية لكن الأفضل نسويها على نار هادية تقوم الكبدة تنزل المية اللي فيها و لا نحتاج مية من برة. و تقلب ثم تطفي النار. و تؤكل مع الخبز و سلطة الطحينة (الهردة) و السلطة الخضراء.
و بالهنا و الشفا
و انتظروا الشيف نودي في أكلات جديدة
وممكن إضافة شطة
وتبقى أسكندرانى 100%
شكرا على ردك
والطبق باين عليه لذيذ باجربة ان شاء الله
انا اموت في شيء اسمه كبدة
شكرا على ردك يا قمر و الله يسلمك. أنا عاوزاكي تقوليلي رأيك فيها بعد متعمليها و إن شاء الله تعجبك، و على فكرة أنا كمان بأحب الكبدة قوي
بالهنا و الشفا يا غالية
واكيد هي لذيذة وطعمها خيالي
عاشت ايديك وتسلمي
اهلا بأختي الطباخة الماهرة دودي
اسفة اتأخرت عليكي في الرد أكتر من سنة لكني رجعت رديت عليكي يا قمر
يا رب تكوني جربتيها و عجبتك
تحياتي العطرة
تسلم ايدك يااحلى يا شيف وان شاء الله انتظر منك طريقه الهريسه الاسكندرانى بموت فيها
أختي العزيزة جريحة الحب
الله يسلمك يا غالية و شكرا على مرورك العطر. بصراحة انا ما اعرف الهريسة الاسكندراني و لا طريقتها لكن لو أحد الاخوات تعرفها أكون سعيدة لو اضافتها عشان خاطر عيونك
تحياتي العطرة