الاخوات الاردنيات المسخن تكفون 2024.

الطريقه :
يقطع الدجاج كل دجاجه الى اربع قطع و يفضل استخدام الدجاج الصغير الحجم 800 غرام و يسلق( يوضع في ما السلق بصله مقطعه ارباع و هيل و ملح و فلفل اسود فقط) بدون نزع الجلد و يصفى من المرقه و يوضع على جنب

يفرم البصل (بصل كتييييير) فرمه متوسطه و يقلى بزيت الزيتون على نار هادئه و ما بنحط ولا شي غير الملح و شويه بهارات مشكله بدون كركم الى حد ما يستوي البصل و يصير لين

بنقلي الصنوبر و بنخليه على جنب

هلأ بنجيب الدجاج المسلوق و بنغطسها بالزيت والبصل و بنشويه بالفرن لحد ما يتحمر الوجه تبع الدجاجه

بنجيب الخبز وبنشيل بالمغرفه البصل مع الزيت تبعه و بنحطه على كل خبزه لحال و بنرشها بالسماق و بعدين بنحط عليها الصنوبر و بنفردهم بالصينيه و بنحط الدجاج المحمر على الوجه
و صحتين
ملاحظه:
ممكن اذا عندك ضيوف تقدميه بطريقه تانيه و هو انك تفلسي الدجاج من العظم و تحطيه مع البصل والسماق والصنوبر و تلفي كل رغيف لحال و تقطعي كل رغيف ثلات اقسام و بعديتن تدخليه شوي عالفرن لحد ما يتحمر و تقدمي جنبه لبن بس بيني و بينكم المسخن مش طيب الا بالطريقه الاولى خاصه و تغوصي بالبصل والزيت للاكواع