أخواتي ماأمر عليكم أمر بس أنا أبي أألف كتاب طبخ
وماعندي أي صورة
وطلبي لوتفضلتم أبي أفكار للكتاب
كيف أسوية وأبي صور حلوة وطبخات تفتح النفس 
لأن ماعندي ألا طبخات قليلة 
ألي تساعدني وربي ماراح تلقى ألا دعوة ومن قلب في ظهر الغيب في نص الليل وفي رمضان بعد
يلة لا تفشلوني 
تحياتي
واي طبخة تعرفينها حلوة عطينياها الله يعافيك
وإذا أصدرته راح اعطيك أسمة
اذا ما عندك طبخات حلوة فكيف ناوية تألفين كتاب طبخ؟
علشان تألفين كتاب طبخ لازم اول شيء :
يكون عندك خبرة بالطبخ
تكون الصور من اخراجك يعني ماتروحين تاخذين صور من هنا و هناك لان الها اصحاب اولا و ثانيا لأن الكتاب ماراح يطلع متناسق لان الصور ماراح تكون كلها من نفس الإخراج كل وحدة غير شكل …
يعني لو انتي ما عندك خبرةكبيرة بالطبخ فليش تحبين تألفين كتاب طبخ؟ انتي بأي مجال خبيرة ؟ شوفي المجال اللي انتي انتي فيه خبيرة بدرجة تكفي أنك تألفين كتاب .. … مثلا لو ا نتي خبيرة بالاشغال اليدوية ألفي كتاب عنه .. لو بالديكور خبيرة الفي كتاب او كتيب عن الديكور …. و اذا مصرة انك تألفي كتاب طبخ … فتعلمي عدد كافي من الطبخات بس بحيث انك تضبطين الأكلة تمام … و خلي التصوير من اخراجك ماتروحين تاخذين صور من هنا و هناك…و بعدها لما تكون خبرتك و مهاراتك و استعاداتك كافية … بعدين ألفي الكتاب …. بس ابدئي من الآن تجهزين نفسك بالتعلم …. و ممكن تبدئين بمحتويات الكتاب من الآن فقط في الطبخات اللي انتي ضابطنتنها …يعني لو مثلا انتي شاطرة بالمجبوس … اكتبي اكله المجبوس كجزء من الكتاب و خصصي يوم تسوين مجبوس و تصورينه … و بعدين بيكون عندج أكله كاملة تنفع انك تدخلينها بكتابج …و كلما تتعلمين اكلة يديدة سوي نفس الشيء .. إلى ان يصير عندك عدد كافي من الأكلات ينفع انه يكون كتاب … و بعدها تقدرين تطلبين من حد يسويلج غلاف للكتاب بس خل يخلص الكتاب أول 
و بالتوفيق عزيزتي …
كتبت بواسطة الكتكوتة اذا ما عندك طبخات حلوة فكيف ناوية تألفين كتاب طبخ
علشان تألفين كتاب طبخ لازم اول شيء :
يكون عندك خبرة بالطبخ
تكون الصور من اخراجك يعني ماتروحين تاخذين صور من هنا و هناك لان الها اصحاب اولا و ثانيا لأن الكتاب ماراح يطلع متناسق لان الصور ماراح تكون كلها من نفس الإخراج كل وحدة غير شكل …
يعني لو انتي ما عندك خبرةكبيرة بالطبخ فليش تحبين تألفين كتاب طبخ؟ انتي بأي مجال خبيرة ؟ شوفي المجال اللي انتي انتي فيه خبيرة بدرجة تكفي أنك تألفين كتاب .. … مثلا لو ا نتي خبيرة بالاشغال اليدوية ألفي كتاب عنه .. لو بالديكور خبيرة الفي كتاب او كتيب عن الديكور …. و اذا مصرة انك تألفي كتاب طبخ … فتعلمي عدد كافي من الطبخات بس بحيث انك تضبطين الأكلة تمام … و خلي التصوير من اخراجك ماتروحين تاخذين صور من هنا و هناك…و بعدها لما تكون خبرتك و مهاراتك و استعاداتك كافية … بعدين ألفي الكتاب …. بس ابدئي من الآن تجهزين نفسك بالتعلم …. و ممكن تبدئين بمحتويات الكتاب من الآن فقط في الطبخات اللي انتي ضابطنتنها …يعني لو مثلا انتي شاطرة بالمجبوس … اكتبي اكله المجبوس كجزء من الكتاب و خصصي يوم تسوين مجبوس و تصورينه … و بعدين بيكون عندج أكله كاملة تنفع انك تدخلينها بكتابج …و كلما تتعلمين اكلة يديدة سوي نفس الشيء .. إلى ان يصير عندك عدد كافي من الأكلات ينفع انه يكون كتاب … و بعدها تقدرين تطلبين من حد يسويلج غلاف للكتاب بس خل يخلص الكتاب أول
و بالتوفيق عزيزتي …
عزيزتي من قالك أن ماعندي طبخات حلوة أنا عندي طبخات جنان ومضمونة 100/100ومن قالك أن ماعندي خبرة بالطبخ لمعلومك أنا خبيرة بالطبخ
وبعدين أنا ماعندي في جهازي مكان أدخل فية ماموري عشان أطلع الصور بالكمبيوتر عندك حل غير البلوتوث والماموري وأنا خبيرة بمجال الطبخ بدرجة تكفي أني أألف لأكن مو عيب الواحد إذا سأل غيرة وأخذ منة وانا وغيري مستحيل تكون عندنا أكثر من 500طبخة وياأختي أعطيني أسم طبخة ما تعرفينها بس تكون سعودية وراح أعطيك المقادير والطريقة وإذا ماضبطت معك وربي ماراح أألف كتاب
وللمعلومية أنا ما قلت ما عندي خبرة أنا قلت أبي أفكار لغلاف الكتاب وطبخات أكون ماأعرفها من قبل وصور
أنتظر ردك لانة مهم بالنسبة لي
تحياتي واسفة على الاطالة
كتبت بواسطة تورتاية بالكريز شكرا لك لاكن انا على نيتي واذا ألي بتساعدني بشي مو مضمون بذمتها وهي بتتحمل الذنب وأنا مو عجزانة عن التاليف بروحي لاكن مساعدة وأستشارة الاخارين شيء مطلوب وليس عيب
تحياتي
بس حابة انصحك انه الاكلات اللي بدك تحطيها خليها طبخات جديدة ومش دارجة
عشان يكون فيها شغلات جديدة وجذابة والله يوفقك
بس حابة انصحك انه الاكلات اللي بدك تحطيها خليها طبخات جديدة ومش دارجة
عشان يكون فيها شغلات جديدة وجذابة والله يوفقك
شكرا لك
أنا أبي أفكار لغلاف الكتاب
وكيف أجيب طبخات جديدة يعني أخترع
تحياتي
عموما انا راح أمشي على ردك الثاني على أساس انك وحدة ماهرة بالطبخ و على اساس ان طبخاتك مضمونة.
شوفي ..اللي يألف كتاب ماينفع يألف كذا على طول .. لأ قبل التأليف تحتاجي لدراسة و تخطيط
أنا دارسة بزنز و راح أقولك كيف تعلمنا نخطط للمشاريع بس راح ابني كلامي على اساس كتب الطبخ..
اللي يألف كتاب طبخ اولا يحتاج لعدة اشياء:
1-تحديد نوعية الزبائن المستهدفة Target Market
انتي محددة زبائن مبتدئين في عالم الطبخ؟ أم زبائن محترفين؟
2-تحديد حاجات الزبائن بناء على نوعيتهم
يعني لو انتي محددة زبائن مبتدئين ايش راح تكون حاجاتهم؟ اشياء تقليدية صح؟ مثلا ممكن تحطي طبخات تقليدية عادية مثل الكبسة و المحشي و الخ.
لكن لو انتي محددة زبائن محترفين في الطبخ فهذا الشيء يتطلب منك مجهود جبار لأن حاجاتهم فوق المستوى العادي… لازم تبذلي جهد كبير في تأليف و تجميع طبخات غريبة و جديدة و غير تقليدية. الكبسة و الكبة و المحشي ماراح يؤدي الغرض، تحتاجين لأشياء أخرى جديد من إبداعك
3-تحديد قدراتك و هل تتناسب مع حاجت الزبائن المستهدفة؟
طبعا انتي قلتي تبغين اشياء تفتح النفس…يعني انتي تسعين الى الزبائن من النوع المحترف في المطبخ…فهل انتي تقدرين تلبين حاجاتهم؟ ..
علشان تألفين طبخات جديدة و غير تقليدية لازم اولا:
أ-توسعين اطلاعك و ثقافتك المطبخية و ا لغذائية وتحاولين تبدعين في الطبخات. اطلعي على المطابخ الدولية من اوروبية و هندية و صينية و غيرها علشان تحصلين على طرق ووصفات غريبة لم تدخل المطبخ العربي بعد.
ب-حاولي تبدعين و انتي تطبخين…بحكم انك خبيرة بالطبخ لابد ان خيالك و ذوقك واسع…لابد تعرفين تبدعين حاولي تبتكرين قدر ماتقدرين ..افتحي مخيلتك و انتي تطبخين و راح يبدأ الإبداع يطلع.
ج- لما تطلعين على مواقع طبخ حاولي ما تاخذين الوصفات و تحطينها بكتابك بس حاولي تاخذين أفكار من الوصفات و تبدعين فيها بس ما تنقلينها مثل ماهي.
هـ- حاولي تحضرين العزايم المنزلين علشان تتعرفي على الأكلات الغريبة ربما توحي لك بفكرة أو تطوير أو إبداع لعمل أكله أخرى مشابهه
4-توفرين العوامل المساعدة : مثل الكاميرا و الميموري و أدوات المطبخ …هالأشياء ضرورية و لا تخلينها تعيقك .. لو ماعندك عادي خذي كمبيوترك للمحل يركب لك الاشياء اللازمة و اشتري كاميرا رقميةاحسن من الموبايل و البلوتوث بمليون مرة. حاليا لو عندك كاميرا رقمية صوري فيها و احتفظي فيها في الكاميرا لحد ما تتمكن من نقلها للكمبيوتر…يعني حتى لو تبدئي المشروع الآن و تصوري و بعد مثلا نصف سنة تقومين بنقلها بالكمبيوتر…المهم انك تكتبي الطبخات اول بأول..بس الأفضل توفري كل شيء من الآن.
4-العمل بالمشروع – إلا و هو تأليف كتاب طبخ- طبعا راح يتطلب منك وقت و جهد. تخصصين أيام بالأسبوع توفرين فيه المقادير , و المعدات، و تخلين حد يكون معاك في المطبخ يساعدك في التصوير و اذا تقدرين تصورين لوحدك مو مشكلة ..كل يوم تقومين فيه بعمل طبخة مخصصة للكتاب تقومين بكتابتها بملف تحفظينة بفولدر خاص لك في الكمبيوتر – طبعا كل فترة و فترة احفظي نسخة احتياطة علشان ما يضيع شغلك. المهم اكتبي كل شيء في الكمبيوتر أول بأول.
لما يصير عندك عدد كافي من الطبخات شيكي عليها من حيث المحتوى و اللغة و التنسيق و كل شيء ..
خلي حد يساعدك طول المشروع… يشيك علي طبخاتك و يعطيكي feedback و يخبرك العيوب لان في عيوب انتي ماانتبهتي لها بس غيرك راح ينتبه لها….وأحب انبه لنقطة..لازم يكون عندك سعة صدر لتقبل النقد….لانه في اشياء انتي ماتعرفين انها مو كويسة بس غيرك يعرف حتى لو انتي ما اقتنعتي …لو شفتي اكثر من شخص انتقد نفس النقطة معناها في شيء غلط او مو مضبوط.
الغلاف: لما تخلص الطبخات بعدين ابدئي بتطبيق الغلاف بس لا مانع انك تقومي بتجارب لتصميم الغلاف خلال فترة تنفيد المشروع.
تصميم الغلاف يتطلب منك خبرة ببرامج التصميم مثل الفوتوشوب او كوريل درو و لو عندك حد من أقاربك عنده خبرة بهالبرامج ممكن يساعدك
بس الأسهل لك انك توكلي الموضوع لأصحاب الخبرة و اللي أقصدهم هم المطابع…يعني المطبعة اللي انتي راح تطبعي فيها كتابك اطلبي منهم يصمموا لك الغلاف .. طبعا تحضرين لهم الصور اللي تطلبيها و كيف التنسيق و شو المفروض يكون مكتوب ع الغلاف .. و اكيد هم ممكن يثنوكي عن بعض الأفكار بحكم خبرتهم و يعطوكي آرائهم و و اقتراحاتهم ..و هكذا راح يصير الغلاف جاهز.
بعد ماينتهي الكتاب شوفي آراء الناس فيه كيف هو؟ و تقبلي انتقاداتهم و نصايحهم بسعة صدر لانك راح تشوفي اذا انتي لبيتي طلباتهم عن طريق اقتراحاتهم و انتقاداتهم.
نسيت اقولك تأليف الكتاب لا يتطلب منك 500 وصفة!!!!
عادي يكون عندك 30 او 40 وصفة و تألفين منها كتيب بس بشرط انتي تلبي حاجات الزباين .. يعني المبتدئين يكفيها 30 وصفة أساسية .. و المحترفة راح تشتري كتابك حتى لو فيه 10 وصفات !! بس بشرط تكون وصفات قمة في الذوق و الإبداع….انا شايفة كتيبات فيها وصفات قليلة جدا و عادي تنباع يعني مو شرط يكون عندك مجلد كبير للطبخ…
و بالنهاية لا تنسي ان تأليف الكتاب يحتاج لوقت و جهد و إخلاص و صبر و مثابرة. ولابد ياخذ منك وقت كثير و جهد كبير و مساعدة بأشخاص آخرين…والله الموفق.
ممكن تطلعي على كتب الطبخ المشهورة و تشوفي كيف تنسيقهم علشان تستفيدي من ناحية التنسيق و الغلاف و المحتوى …
انا كنت كاتبه رد قبل هذا بس قفلت الصفحة بالغلط و بعض النصايح يمكن راحت لاني كتبت ما تذكرت و لابد اني نسيت نقط اخرى…لكن لو ذكرتها راح ارجع لك و اكتبها…
والله الموفق.