هلا بنات كيفكم.. زمااااان ما دخلت القسم..
هذه طبخة مصوراها من رمضان وما نزلتها.. تذكرتها هلأ وأنا بأتفقد كمبيوتري
شفت كتير وصفاتكم للشيشبرك وكلها بلحمة.. وأنا ما بأحب اللحمة كتير وعمري ما أكلت الشيشبرك بلحمة مع أنه بأموت فيه وبس ينعمل زي السوسة رايحة جاية عليه..
هلأ الوالدة الله يرحمها معودتنا تعمله لنا بخلطة غير.. وحتى الآن ما شفت حد بيعرف هذه الطريقة نهائي فقلت أدلكم عليها يمكن تحبوها لأنها فعلا روعة وزاكية كتير وكنا بالعادة بس الوالدة تعمل الشيشبرك كل واحد يروح عالسكت يخبي له طبق ونصير ناكل من الأطباق اللي مش مخبية وبكل براءة بس يخلص المعروض كل واحد يصير يطلع طبقه اللي مخبيه ونتخانق عليه.. أيام جميلة ياريت ترجع..
المهم ما أطول عليكم.. هاي الطريقة والصور
المقادير:
مقادير الحشو:
2 بصلة مفرومة ناعم
1 ضمة بقدونس مفرومة ناعم
5 بيضات
بهارات (عادة أحط ملح وفلفل أسود وحبهان بس)
مقادير الحشو:
2 بصلة مفرومة ناعم
1 ضمة بقدونس مفرومة ناعم
5 بيضات
بهارات (عادة أحط ملح وفلفل أسود وحبهان بس)
مقادير اللبن
زي ما كل واحدة متعودة تعمله..بالنسبة لي استخدمت الآتي
نصف كيلو لبن روب المراعي
عصير ليمونة لأني باحبه حامض
2 ملعقة نشا
ماء حسب الحاجة..
زي ما كل واحدة متعودة تعمله..بالنسبة لي استخدمت الآتي
نصف كيلو لبن روب المراعي
عصير ليمونة لأني باحبه حامض
2 ملعقة نشا
ماء حسب الحاجة..
مقادير العجينة:
ماء وطحين فقط حتى تتكون عجينة طرية ونتركها لترتاح قليلا
ماء وطحين فقط حتى تتكون عجينة طرية ونتركها لترتاح قليلا
الطريقة:
1. نسفح البصل بقليل من الزيت حتى يذبل ثم نضيف البقدونس والبيض والبهارات ونحركه حتى يتمازج جيدا وينضج ونتركه جانبا ليبرد قليلا.
1. نسفح البصل بقليل من الزيت حتى يذبل ثم نضيف البقدونس والبيض والبهارات ونحركه حتى يتمازج جيدا وينضج ونتركه جانبا ليبرد قليلا.
2. نرش شوية طحين ونرق العجينة ونقطعها دوائر صغيرة بفنجان قهوة صغير ونبدأ الحشو على شكل طواقي حتى نخلص الكمية كلها.
حتى نخلص الكمية كلها.
3. بخلاط العصير نضع اللبن وكاستين ماء والنشا وعصير الليمون ونخلط حتى يتمازج ثم نضعه في الطنجرة على النار ونستمر في التحريك حتى يبدأ بالغليان ولا نتوقف عن التحريك ونقوم بتسقيط الطواقي في اللبن ونحرك قليلا بهدوء ونتركه ربع ساعة ثم نقوم بغرفه في الصحون. أنا أحبه بارد وجامد قليلا لذلك اتركه يبرد وبعدين هم هم هم..
صحة وعافية إن شاء الله يعجبكم
صحة وعافية إن شاء الله يعجبكم
معلش ما صورت الخطوات لأنه ما كان في بالي ساعتها أنزل الطبق بس صورت الشكل النهائي
فكرة جديدة و غريبة,,مو متخيلة طعم البيض في الشيشبرك !!
شيشبرك شهي بارك الله بك
فكرة حلوة وغريبة
رحم الله والدتك
ورحمة الله على الوالده اسكنها فسيح جنانه
ان شاء الله اجربها اكيد بهل الطريقة لا خشت مخي
الف شكر ليك و يرحم ماماتك و يحميلك اولادك , و يرحم موتانا كمان أأمين