××طاجن الخضروات باللحم علي الطريقة المصرية الأصلية بالصور من مطبخي خطوة خطوة 2024.

النهارده جايبالكم اكلة مصرية صميمة لو واحدة جربتها ها تفرح جوزها بيها
لأن طعمها بصراحة مممممممممممممممممممممم لا يعلي عليه

و الله كل ما اعملها لجوزي يتهبل عليها و كل اللي يدوقها تعجبه جدا جدا حتي بيت اهل زوجي لما داقوها حمايا قال لي هي دي الطواجن و لابلاش (لأنه بيفكره بالطواجن بتاعة زمان)

المهم ندخل في الموضوع علي طول

الطبخة النهارده هي طاجن الخضار المشكل باللحم

المقادير :حسب عدد الافراد

بصل مفروم خشن
قطع لحم
خضروات مشكلة
طماطم معصورة و مصفاه
ملح – (فلفل أسود – قرفة – قرنفل – ورق غار- بهارات – جوز الطيب) مطحونين
زبدة او سمن

الطريقة:

أولا لازم الطاجن يبقي فيه كمية بصل كتيرة جدا
انا استعملت لمقدار صغير ل 2 شخص 3 بصلات مفرومة
نحمرهم في الزبدة او السمن كويس جدا

[IMG][/IMG]

اهم حاجة نسيب البصل يتحمر جدا حتي يصبح لونهم بني غامق هكذا

[IMG][/IMG]

و بعدين نضيف اللحمة و التوابل ملح – (فلفل أسود – قرفة – قرنفل – ورق غار- بهارات – جوز الطيب) مطحونين
و نقلب كويس

[IMG][/IMG]

لحد ما لون اللحمة يتغير كده

[IMG][/IMG]

نضيف الخضروات و نتركها تتشوح مع البصل و اللحم و التوابل لحد ما تنزل كل مائها
طبعا مع التقليب المستمر

[IMG][/IMG]

ثم نضيف الطماطم

[IMG][/IMG]

و بمجرد ما تغلي الصلصة نرفعها من النار

[IMG][/IMG]

و نسكبها بالطاجن الفخار (طبعا ممكن اي اناء فرن)

[IMG][/IMG]

و ندخلها الفرن في الرف السفلي علي حرارة عالية و نتركها حوالي 45 دقيقة الي ساعة

[IMG][/IMG]

و تقدم مع ارز ابيض
و ادعوا لي

[IMG][/IMG]

و بالهنا و الشفا

تسلمي يا حياتي

و شكرا علي مرورك و ردك الجميل

لكن باللحم اطعم بكتير

شكرا علي الرد

و فعلا طواجن مصر لا يعلي عليها

و شكرا علي المرور و الرد الجميل