مع اول اطباقى _ـ رز مخلط بالتوابل العطريه ـ_مشاركتى لملف التوابل العطريه 2024.

ونبدأ مع أول الأطباق رز بالخضار واللحمه أكله صيفى خفيفه
ومشمحتاجه جنبها غير طبق الشوربه
وانا دخلت فيهم نوعين من التوابل العطريه
وهما الزنجبيل والروزمارى نبدأ

المكونات

1 كيلو لحمه مقطع صغير ومسلوقه الكميه كانت كتير على الرزفلو حبيتى تقللى كميه اللحمه او تزودى كمية الرز والخضار ده راجع لأختيارك1
/2 كيس خضار مجمد (بسله وجزر وفاصوليا)
بصله مبشوره
م ص زنجبيل مبشور
عود روزمارى
2 مكعب مرقه
ملح وفلفل2
م ك صلصه
1م ك كارى
2 و1/2 كوب رز بسمتى
وما اعتقدشى ان فى مشاكل لو استخدمت رز عادى

الطريقه
اضع البصل فى 3 م ك زيت تتشوح
وبعد التقليب دقيقتين اضيف الزنجبيل واقلب مره اخرى وبعده اضيف الروزمارى

واقلب دقيقه واضيف الخضار وقليل من الماء حتى تستوى الخضار
وبعد السوااضفت مكعبات المرقه والصلصه والملح والفلفل والكارى واللحمه وقلبتها مره
وبعد ذلك أضفت الرز مع كل كوب رز بسمتى انا بضيف كوب ونصف ماء وراعى ان فى سوائل موجوده فى الحله نتيجه لسلق الخضار فأنا عندى الرز يطلع ناشف وازوده مايه بدل ما يطلع رز باللبن

وتركته الى ان استوى وأكلنا احلى وأشهى طبق رز بالخضار وبالتوابل العطريه اللى اضافت نكهه مميزه للرزوالخضار غالبا اولادى مابيكلوهوشلكن أكلوا الخضار انهارده من غير اى نوع من انواع التذمر

ومع شعارى الدائم
شاركونى وانتظرونى مره اخرى

سعيدة جدا اني اول رد
وبالتالي الطبق من حقي
عسولة ينفع زنجبيل ناشف علشان الفريش مش متوفر
يوم الاثنين اجازة بمناسبة الاسراء والمعراج وكل عام وانتم بخير
يبقى التطبيق وارد …
سلمت الايادي وصحتين وعافية