مثل ما ذكرت من شويى انا حامل و ان شاء الله نازلة اولد عند والدتى فى مصر لكن زوجى هيكون هنا لوحده لمدة 4 شهو على ما ينزل هو اجازة و طبعا انا نازله فى نص سبعه و هيجى عليه رمضان و ساعات كتير بيكون شغله بعد الفطار بفترة يعنى كده مش هيعرف ياكل غير على الساعه 12 باليل على ما يروح شغله فكنت عايزه احضر له اكل يكون شبه جاهز فى الفريزر او حاجة ممكن تكون سهله يعملها خصوصا كل يوم بنسمع مصايب على الاكل بره
ياريت تدعوا لى و كمان تساعدونى لانى نازله مصر كمان شهر ان شاء الله و عايزه ابدا من دلوقتى لان صعب على ان عمل كل حاجه فى وقت واحد
معلش طولت عليكم
شكرا ليكم حبيباتى
شوفي هذا الرابط ان شاء الله يفيدك
** تفريز المعجنات ** …. شاركونا المعلومات والوصفات …. من مطبخ امولة amal250
ان شاء الله ربنا يرزقك ولادة سهلة يارب ويقر عينيك بطفل سليم معافى صالح يارب
ممكن تعملى سمبوسة وهو يادوب يقليها
اعملى بيتزا وخلصيها وتطلع قبل الكل بنص ساعة بتبقى اكنك لسه عاملاها
ممكن مكرونة بالبشاميل وتحطيها فى قوالب او صوانى صغيرة وتطلع على التسخين فقط
وبردة صينية جلاش باللحمة المفرومة
وممكن تجهزى فراخ بانيه وتبليها وتعمليها بالبقسماط وتشيليها فى الفريزر وتتطلع من الفريزر على التحمير مباشرة
وكمان ممكن كيكة بعد ما تطلعيها من الفرن خليها تبرد وشيليها فى الفريزر برده بتبقى روعة
ده اللى حاضرنى دلوقتى وان شاء الله اكون افدتك بحاجة وبقيت البنات يفيدوكى ان شاء الله
شوفي الروابط يمكن تفيدك بتحضير بعض الاطباق
الكفتة سهلة الصنع سريعة التحضير …كل وصفة لها مذاقها
وصفات خفيفة وشهية وسهلة التحضير …..لا تترددوا في طرق بابنا للمشاركة
رول اللحم المفروم بالمكسرات ..مشاركتي في موضوع اللحم المفروم للغالية برنسيس
بس كان ليا سؤال انا عندى كمية فراخ بانيه كبيره بس للاسف هى فى الفريزر فهل ممكن اطلعها و اتبلها و بعدين احطها فى البقسماط و اسويها نص سوى فى الزيت لانى عارفه انى ساعتها ما ينفعش اطلعها من الفريزر و ارجعها تانى من غير ما تستوى و لا انتوا ايه رايكم ؟؟؟؟؟؟؟؟؟ظ