المقادير
ثلاث اكواب ارز
ثلاث اكواب لبن
معلقة زبده
ثلاث حمامات او(حسب عدد افراد الاسره)
ملح وفلفل اسمر
وش اللبن(قشطة)
لحشو الحمام
كوبيتين فريك
بصله مقطعه
كبد وقوانص الحمام
ملح وفلفل اسمر ومعلة زبده
الطريقة
الاول هنعمل الفريك تجيبى حله وتحطى فيهاالبصل المتقطع وعليه معلة الزبده وتسبيه لحد ميدبل مش يحمر وتكونى مقطعه الكبد والقوانص وتحطيها عليهم لما لونها يبقى بنى فاتح تحطى الملح والفلفل وتكونى نقعه الفريك فى ميه مغليه ابليها بعشر دقائق وتحطيه عليهاوتحطيله ماء وتسبيه لحد مايستوىوبعدين تجيبى الحمام المغسول وتحشيه بالفريك وبعدين نجيب البرام ونجيب الرز المصرى بتعنا(الرز الحبه القصيره)تغسليه وتحطى فى البرام وتحطى عليه البن والملح ورشة الفلفل الاسمرومعلقة الزبده وتعملى بايدك فرغات فى الرز وتحطى فيها الحمام المحشى وتحطيه فى الفرن وارب ما يدخل على السوا تحطى وش البن وتسبيه لحد ما يحمر ومش عايزه اولوكم على شكله وطعم الرز ال تحت الحمام يمى يمى
وبالهنا والشفا
ملحوظه
نقع الفريك فى الماء المغلى يوفر الوقت ويساعد على السوا بسرعه عن نقعه فى ماء عادى لعدد من الساعات
اشكركم واتمنى ان ينال موضوعى اعجابكم ومكنش تقيله عليكوا
واااااااااااااااو تسلم ايديكي علي الوصفه الخطيييييييييييييره ما شاء الله
بس الحمام كده حيستوي كويس ولا ايه لان الرز بيستوي علطول
والحمام بياخد وقت في السوا ممكن تقوليلي ياقمر عشان عاوزه اجربه
الف شكر يا حبيبتي علي ردك وان شاء الله حجربه
وانا منتظره الرز المعمر بالفراخ اكيد تحفه هو كمان بصراحه
شكلك ست بيت شطوره ربنا يحميكي
جزاكي الله خيرا
