انا بجيب الملوخيه متقطفه او بقطفها على حسب ….وبغسلها…وبنشرها على ورق جرايد لحد ماتنشف من ميتها ..مش الورق ينشف ويبئى خشن لاء وده اهم حاجه..يادوبك تروح الميه من على ورق الملوخيه……المهم اخرط الملوخيه كويس …تكون الشربه على النار وساعات لما بيكون مفيش شربه بعمل شربه ماجى …المهم تكون سخنه شويه مش مغليه وتكون دلعه مش مملحه قوى يعنى الملح مش باين فيها ….انا بجيب كيس بلاستيك واحط فيه نص كيلو ملوخيه من المتخرطه واحط عليه مغرفه شوربه واحده ..حتلاقوها عامله زى العجينه مش مهم …اقفلو الكيس وسيبوه يهدى شويه ويكون دفى وعلى الفريزر عدل …انا بخزن طبعا كذا كيس ودايما عندى ملوخيه خضرا صيف شتا وطعمها يجنن……
نييجى للمهم لما تيجو تعملوها وتطلعوها من الفريزر طريقه عملها….
1 تحطو مغرفه شوربه واحده فى الحله وتسخنوها على النار
2 بعد ماتسخن الشربه تحط كيس الملوخيه وهو مجمد علشان ميسودش
3 نقلب على نار هاديه ومنخليش الملوخيه تغلى
4 نزود الشربه على الملوخيه لو لقيناها تقيله حبه حبه لحد مانوصل للحجم المطلوب
5 نحط عليها لما تسخن التوم المدقوق والكسبره الناشفه المتحمصين فى السمنه وكلو احلى ملوخيه
انا بحبها مفرزه
بس زوجي والاولاد بكلوها ناشفه بس
بس يجي وقتها ان شاء الله بعمل طبختين ليه واحطهم بالفريزه
كتبت بواسطة أم مــــالــــك 
جربيها ام مالك حتعجبك كتير ان شاء الله..وحتعجبهم كمان…والف هنا على قلوبهم
بارك الله فيكى
وجارى التجربة
كتبت بواسطة noorelhoda بارك الله فيكى
جربيها ان شاء الله تعجبك
كتبت بواسطة ymk201780 وجارى التجربة
هههه حلوه جارى التجربه بتفكرنى ب….الا سلكى …حول
وإن شاء الله أجربها لما ييجي موسم الملوخية
جزاكي الله كل خير