اليوم عملت باميه وصورت كل التفاصيل ولكن للاسف ( بدون شرح طويل ) مسحت كل الصور عن الكاميرا بدون قصد ولم يتبقى الا صورتين
المقادير
1 كيلو باميا وعندي بلدي من الحديقه وطازا
1 كيلو عصير بندوره معد بالبيت
2 كيلو لحمه خروف قطع متوسطه
راس ثوم كامل
قليل من الزيت لقلي الباميه
(ملح+فلفل اسود+ ورق غار +حبات هيل +بصله +ماء ) لسلق اللحمه
الطريقه
بعد غسيل وتنشيف الباميه قلبيها قليلاً بالزيت على النار
اسلقي اللحمه حتى تنضج مع المنكهات السابقه
اهرسي الثوم وضعيه في وعاء واضيفي له شوربة سلق اللحم +عصير البندوره ( الكميه حسب الحاجه )
ضعي الوعاء على النار واتركيه يغلي ليكتسب نكهة الثوم يعني 10 دقائق
اضيفي الباميه واتركيه 5 دقائق يغلي
صبي الباميه في صينيه وضعي بها قطع اللحم
ادخليها الفرن كي تتسبك جيداً وتتحمر
اذا ما كانت هيك محمره بالصينيه ما يوكلوها عندي
تقدكم مع الارز المفلفل ويا ريت يكون مع الارز ملعقة سمن بلدي
جربوها كتير طيبه الف الف بدون حلف
واكيد جدتي ما كانت تحمرها بالصينيه كانت تعملها يخني بالطنجره وتقدمها مباشره
والف صحه
بتمنى هالمشاركه تعجبكم
سلالالالالالالالالام
الباميا عيووووني انا وطبعا الطبق لي
سلمت دياتك توتو
انا كمان بعملها من غير تحمير
المرة الجاية رح حمرها شكلها مغري
كتبت بواسطة MUM 
الباميا عيووووني انا وطبعا الطبق لي
سلمت دياتك توتو
انا كمان بعملها من غير تحمير
المرة الجاية رح حمرها شكلها مغري
الف صحه حبيبتي على قلبك
انا عندي البنات خاصة ولا يمكن يوكلوها الاهيك بالفرن لسا هسا بنتي تيجي تحكيلي ليه مش محمره هههههههههه بتكون بدها اكتر من هيك
جربيها طيبه كتير
رغم ان زوجي ما يحبها ابداااااااااااا
باكلها انا وبنتي بيكفي ههههههههههه
كتبت بواسطة MUM رغم ان زوجي ما يحبها ابداااااااااااا
باكلها انا وبنتي بيكفي ههههههههههه
الله وكيلك الباميه من الاطباق التي اما تحب جداً وما لا تطاق فش وسط ههههههههههههه مش عارفه ليه
فعلا هو فيه اشياء ما يفضلها بس لو اجت ياكلها عادي الا الباميا
ما بعرف ليش كل هالكره
وانا العكس تماما بموت فيها
حتى اني مرات لما اروح مطعم عربي هون اطلب باميا ويصير زوجي يضحك عليي
هههههههههههههه
و مليووووووووووووون آآآآآآآآآه
عالبامية الطيبة
الله يسلم دياتك , و يعطيكي ألف عافية
أنا دبت قدام هالصينية
كتيير أنا بحب البامية
و على فكرة : نفس طريقتي : أنا بحبها صينية بالفرن بتطلع أطيب
و لكن بضفلها بزر كزبرة يابسة بيعطيها نكهة طيبة
و البندورة , بسبكها مع الزيت , قبل ما حط البامية , و اللحمة المسلوقة , و المرقة
و ممكن تعمليها نفسها بالدجاج
بتطلع شغلة
مرة تانية مشكوووووووووووورة
و الله يعطيكي العافية
كثير تشجعت اعملها بطريقتك
الف عافية عليكم يارب
وصفة راائعه جداً
بالعافية عليكم
ودي و احترامي ..
هالسنة انا كتير مكسلة وما عملتها
بتعرفي صينية الباميا لها طعم ونكهة غير عن اليخني
تسلم دياتك يا ام انس
لازم انزل اشتري باميا علشان اعمل صينية قبل موسم الباميا ما يودع