كيفكم ياجماعة
انشاء الله كلكم تمام …حبيت افيكم بطريقة الكيكة الاسفنجية أو ( الجاوية ) زي ما سميها انا المهم انشاء الله تعجبكم
المهم اقول لكم المقادير والطريقة المقادير:
5 بيضات
1كاسة دقيق ( كاسة البوك الكبيرة ) اكيد عرفتوها
رشة فانيليا او روح الموز ( هذا ما يوجد إلا في ماليزياأو في محلات خاصة بالمبيعات الماليزيية)
ذرور الخبز ( بيكنغ بودر ) 1 ملعقة صغيرة
4 ملاعق حليب النيدو
زيت كاسة صغيرة ( كاسة ابو إذن )
كاسة إلا ربع سكر
الطريقة ( مررررررررة سهلة )
اولاً: تحطي البيضات والفانيليا او روح الموز والسكر في الخلاطة وتخلطيهم كلهم سوا إلى ان يسير لونه ابيض ويكون متنفش … تمام
ثانياً : لمن يتنفش تحطي عليه الحليب وتخففي سرعة الخلاطة وبعدين تلخبطي الدقيق مع البيكنغ بودروتحطيه في الخلاطة شوية شوية ….. تمام
وبعدين تحطي الزيت وتخلطيهم 5 ثواني بس عشان ما يدخل الهواء في الكيك …. تمام
وتجيبي الصينية المناسبة وتحطي الخليط فيها وتحطيها في الفرن وشوفيه لمن تحمر من فوق ومن تحت خرجيها وكليه وبالهناء والعافية ….. وانشاء الله تعجبكم
تسلم يدك
والله يعطيك العافية
ان شاء الله اسويها قريبا
وجعله الله في ميزان حسناتك
تسلم أديك ويعطيك ألف عافية أن شاء الله اسويها