ارجو من كل من تعرف طريقه الفتوت والارائيش ات تكتبها لي وبكون ممنونه اكتير
وبمناسبه قروب حلول شهر رمضان المبارك بحكي للجميع كل عام وانتم بخير اعاده الله عليكم بالخير والبركه
انا فلسطينه 100% لم اسمع عن اي شي زي كده
ده اكل ولا شرب ولا حلو ولا مالح وضحيلي وممكن اساعد
اهلين اختي ايمان واخت رندوش اول شي الارائيش هيه عباره عن حلو بدخل في السمسم البني والطحين وزيت الزيتون هى ئلي بقدر اتذكرو وكمان بنقلى وبعدين يوضع بالقطر للاسف الشديد ماني عارفه اتذكر باقي المقادير عشان هيك طلبت المساعده وانتو بتعرفو رمضان على الابواب ونحن بهذه الغربه الصعبه نحاول ان نشعر ابناءنا بجو رمضان اعاده الله علينا وعليكم بالخير والبركه
اما الطبق التاني وهوه الفتوت هوه عباره عن خبز حلو بكون لونه على صفار على ما اعتقد وبدخل في حبه البركه وكمان ئلو قالب خاص وبسير ينعمل على اليد مثل ارغيف الخبز للاسف هي ئلي متذكرتو 
وتحياتي الكم ارجو ان اكون وضحت ولو بشكل بسيط وشكرا
و اللي تعرف مش غاط خلينا نتعلم
أنا فلسطينيه وبعرف الأرائيش ( القراقيش ) …..بس طريقتنا ما بتشبه طريقتكم
الوالده الله يخليها كانت تعملها بس على البركه بدون مقادير محدده…. بيدخل فيها السمسم واليانسون الحب
والمطحون والسكر وزيت الزيتون مخلوط مع النباتي ولا ننسى الخميره … بس للأسف المقادير بالضبط
ما بعرفها كنت حابه أقدر أساعدك وكمان كنا نرقها لغايه ماتصير بسمك قليل بشكل أرغفه صغيره أو
كبيره وبعدين نقطعها لما تبرد ونخليها بالصينيه تخمر وتخبز بالفرن
ومممممممم دوقي النكهه إشي عن جد بيشهي .. ما بنحط عليها قطر بالعكس بتكون ناشفه ومقرمشه
من هون أجا إسمها
الله يسامحك يا فلسطين شهتيني من وين أحصلها هسه ؟؟؟ 
والفتوت سامعه بهالإسم بس ما عمري دقتوا … سامحيني
إن شاء الله تلاقي حد من البنات يساعدك
شكرا الكم اخت دعاء واخت رندوش والله يا اخت رندوش الواحد بحب يعمل جو حلو برمضان وخاصه بهل الغربه الصعبه وعم يتذكر اكلات بلاده الحلوه ئلي مافي اطيب منها وبحاول يعرفها للاولاد عشان يعرفو اكلات بلادنا الحلوه 
منتي عارفه الغربه صعبه وخاصه لما يجي عليك رمضان والعيد وانت مش بين اهلك وناسك صح
وعلى فكره اهالي منطقه جنين مشهورين فيها
اما الفتوت على ما اعتقد خبز حلو وطري وفيه كركم وحبه البركه
ورح ادور لك على الرابط واحطه
وكل عام وانتي بخير
القاراقيش الماما رحمة الله عليها كانت بتعملها على طريقة الأخت النمرة.. ويممي شهيتيني وانا صايمة.. بس للأسف ما بعرف المقادير..
أما الفتوت فأول مرة باسمع فيه .
الأخت palestine حياك الله .. بس ما قلت من وين انت في فلسطين بنحب نتعرف اذا ما عندك مانع.. والغربة جامعتنا ومنتدى لك ملتقانا اليومي.