مع اني كنت مرتبطة بمناسبة في عائلتنا وكان عندي ساعة فاضية فيها ما عندي شي اسويه وكنت طفشانة من اولادي ….دورت على مكان اقعد فيه واستمتع للحظات بروحي فما لقيت غير المطبخ وفكرت في شي ايحبونه اليهال والكبار بعد …..:wub::wub:تعني روحها ……..المهم فما لقيت غير الشوكولاته وكان عندي طريقةعمل كيكة وايد سهلة ويبي الها نصف ساعه وتجهز ………….ومقاديرها متوفرة ….
المقادير
اولا نخلط كاس كبير زيت+ كاس كبير ماء+ كاس كبير سكر+ 4 ملاعق بودرة الكاكاو + 4 ملاعق حليب بودرة ………..نخلطهم عدل في الخلاط وراح ايكون الخليط ثقيل ومتماسك اشوي بعد ما خلطناهم عدل ناخذ مقدار ثلاثة ارباع الكاس من الخليط السابق ونتركه على جنب ………….
ثانيا……….. نضيف الى الخليط المتبقي 2 بيض + القليل من الفانيلا ونخلطهم مع بعض
ثالثا…. ننخل كاس كبير طحين فاخر الكويتي + 1 ملعقة كبيرة بيكن بودر
رابعا ……… نضيف الخليط السائل الى الطحين الى ان يتجانس وبعدين نضعه في قالب مدهون وندخله الفرن لمدة 25 دقيقة او على حسب حرارة الفرن حتى ينضج وبعد اخراجه من الفرن ندع الكيكة مغطاة بقماش لمدة 10 دقائق ثم نسكب علية الصوص السابق اللي شلناه على جنب وندخلة الثلاجة ……وبعدين كيفكم تبون تاكلونة لو تتمتعون بالنظر اليه على راحتكم …اليكم الصور
انتظر ارائكم وتجاربكم يا الحلوين ……………بس على فكرة صايرين وايد كسالى في الردود والتطبيق الاجازة وابتدت يعني ما عندكم حجة على دخول المطبخ ………………….هههههه……….. امزح معاكم مو تزعلون …………..
نسألكم الدعاء
لذيذة
مشكورة عزيزتي
وانا اليوم عملتها وحطيتلها صوص ابيض (نسلي الحليب المركز)