●•°حلى متميز°•● دونات النجم البرونزي 2024.

باركولي وبعد عناء وجهد تغير اسمي من عضو نشيط الى النجم البرونزي وعقبال ؟؟؟؟؟
وبهالمناسبة راح أعزمكم على دونات خطييييييييييييييييرة
المقادير :
1ونص ملعقة خميرة
2 ملعقة سكر
1 بيضة
4 كاسات دقيق الكويت
3 ملاعق حليب
رشة ملح
نص كاس زيت
1ونص كاس ماء دافي
بطاطس مسلوقة ومفرومة

الطريقة:
تذوب الخميرة مع السكر في الماء ويترك لمدة عشر دقائق
تخلط باقي المقادير وتعجن جيدا ألافضل تكون العجينة طرية راح تغلبك في الفرد شوي بس يتكون طرية أكثر
تترك ربع ساعة بعدين تضربيها لحد ماتقول لك التوبه هههه
وتخليها تخمر وبعدين
تفرديها وتقليها على طول ماتستنيها تخمر بعد التشكيل عشان تصير مقاس واحد
والدائرة الي بالنص اعملي لها فتحة بالمصاص وسويها ميني دونات

……

تقلى في زيت غزير
ترش بالسكر أو صوص الشوكلاته
طريقتي لصوص الشكلاته من اختراعي مرة
ذوبت 1 جالكسي ماعجبني لونه قلت أغمقه
واضفت له ملعقه هيرشي السائل وفجأة صار ثقيل ومتماسك
تورطت فيه ذاك اليوم وعجبني قلت اجربه للدونات ماراح يسيح من الأطراف بصير زي الجاهز
وطلع روعة مع الدونات

وهذا بالشكولاته

وبألف عافية