حلوى اليوم عنوان لقعدة السهرات الجزائرية عامة و العاصمية خاصة بالخصوص في شهر رمضان المعضم اللي راهو حيشرفنا قريبا و انشاء الله يعود عليكم بالصحة و العافية وعلى كافة المسلمين وين كانو
حلوى اليوم الصامصة نبدأ على بركة الله
ناخذ 4 كيلات فرينة اي طحين+ ملح + 2/1 كيلة زبدة مدوبة + اقل شوية من 2/1 كيلة زيت + ماء حتى تنطم العجنية
الحشو 3كيلات لوز+ 1 كيلة سكر +قرفة و ماء الزهر
نتحصل على اللي في الصورة
نحل اي نفرد العجينة حتى تصبح كثير رقيقة او بامكانكم تعملوها بآلة المعكرونة في رقم 7
ثم نقطعها كما في الصورة
نضع شوية حشوة ملعقة صغيرة تقريبا في الوسط
نغلقها ثلاث مرات
ثم نقطعها و نتحصل على هذا المثلث
بعدين نسخن الزيت في مقلى عالية حتى ما نقيسوش روحنا و لما تسخن الزيت ناخذو المثلث و نحلوه من مرة وحدة نرمو الزيت قليلا على العجينة المحلولة ثم نعاود نغلقها و نرمي زيت كثير عليها حتى تتحمر او تتفخفخ ثم نقلبا من الجهة الثانية
و في الاخير نعسلوها بعسل سخون و بصحتكم
سمحولي لاني ماعنديش الصورة النهائية نخليكم انتم تعملوها في داركم ههههههههههههههههههه
سلام
جبتينا ريحة رمضان يجرى ! ههههههه
بصح ما فهمتش قصدك فى انك تحلى المثلث مرة واحدة؟
تحياتى
خلاص انا عندي الرمضان لحق ما بقى غير شهر و نص فالحق راني نصبر في روحي على خاطر راني حابطة للدزاير في رمضان
اما السؤال تاعك شوفي ياك قلتلكم نطويو العجينة على ثلاثة فحنا نحلو اللي طويناها في الاخير برك
فهمتيني درك
بصح و الله ما فهمت! تقصدى انك بعد ما تتحصلى على المتلت تزيدى tu l’etales /tu l’aplatis?
انا نعمل تقريب نفس طريقتك؟ 3كيلات فرينة و نصف كيلة زبدة. كى تحسبيها يعنى كيف كيف بصح بعد ما نقطع المثلث, نرميه طول فى الزيت
شوفي ياك نطويوها على ثلاثة شفتي المرة الاخيرة اللي تطويها هاديك كي الجي رايحة تقلي تعاودي تحليها برك بصح ما ترميهاش قع في الزيت تشدي الحبة الوقت اللي ترمي الزيت على هديك اللي حليتيها امبعد عاودي اغلقيها وارميها تتقلى عادي اذا ما فهمتيش ابعتيلي على الخاص
و يعطيك الصحة على الشرح
مشكوووووووره على الوصفهـ
تسلم الاياديـ
ويعطيج العافيهـ
============
=====
==
تسلم الاياديـ
ويعطيج العافيهـ
============
=====
==
bisou