السلام عليكم ورحمة الله وبركاته
حبيباتي وأخواتي
من كام يوم وزوجي مسافر قلت أعمله حاجة جديدة
وبصراحة كان نفسي من زمان أجرب السينابون
وأنا متعودة لما أجرب حاجة جديدة أجربها وزوجي مسافر
أنتم فاهمين طبعاً 
المهم دورت على السينابون هنا في المنتدى ولقيت وصفات كتيرة ولفتت انتباهي وصفة الأخت tegeety إن فيها زبادي
وانا كنت عارفة إن الزبادي بتدي طراوة للعجينة
وعلى فكرة الوصفات هنا قريبة من بعضها جداً
المهم قلت أجرب
ودي النتيجة
ودي بعد ماخمرت تاني
ودي بعد مااستوت وحطيتلها صوص الشوكولاته وصوص الجبنة
معلش يمكن الصور مش واضحة أوي عشان الإضاءة عندي في المطبخ مش مظبوطة
بس الطعم والله إنه جميل جداً وطرية جداً
تطبيق رائع ننتظر جديدك
ام عارف في المطبخ
تسلم الايادي
تعرفي ممكن تذوبي شوكولاتة مارس وحطي نصف علبة قشطة وتعملي صوص روعة وحطيه على السينابون
يطلع تحفة.