انهم يفيدونى عن انواع واسماء الزبده
المستخدمه فى صنع الحلويات و الفطائر و بعض الاطباق الرئيسيه
هل هناك اكتر من نوع
ام هو نوع واحد يصلح لجميع الاغراض
انتى تقصدى النوع كماركه
ولا النوع
كبقرى ونباتى
الزبدة الغير المملحة و ينصح باستعمالها في الحلويات و المعجنات
و الزبدة المملحة ممكن استعمالها للطبخ و الاكل
و ان وضحت اكثر سؤالك ممكن الاخوات يفيدونك ان شاء الله
شكرا لمروركم و اهتمامكم
كان قصدى انى اعرف انواع الزبده المختلفه
لانى مطبختش قبل كدا بيها ولا استخدمتها كتير فى الحلويات
و انا معرفش غير الزبده الفلاحى اللى عندنا فى مصر بتتسيح و تبقى سمنه بلدى
وكنت حابه اعرف باقى الانواع يعنى الزبده الصفرا و امتى بتكون طريه او متماسكه فى درجة حرارة الغرفه
اتمنى اكون قدرت اوضح سؤالى
وجزاكم الله خيرا
الزبده الخاصه بالحلويات اللى هى الصفراء ممكن تستخدم كمان فى الطبخ
ولو حتقلى بيها حاجه زى الستيك مثلا او تشوحى فيها بصل يبقى الافضل تضعى معاها ملعقتين زيت حتى لا تحترق
ولو استخدمتيها فى عمل الكيك او الحلويات او المخبوزات
بتتركيها بدرجه حراره الغرفه حتى تكون طريه تمانا لان معظم الوصفات بتتطلب الزبده تكون طريه وليست سايحه كالبيتى فور والغريبه كمثال او تكون سايحه لو استخدمناها فى عمل الكعك
هناك من يفضلون الزبد النباتى وهو ما يطلق عليه المارجرين
وممكن تستعمليه كبديل للزبده البقرى لانه اقل دسامه
ممكن تستخدميه فى الكرواسون وعمل الحلويات
زى ماقلتلك علشان يكون اقل واخف دسامه
الزبده بتتباع على هيئه قوالب فى السوبر ماركت
ولو انتى فى مصر احيانا محلات بيع الالبان والزبادى بتبيعها بالكيلو
اتمنى اكون افادتك يا نودى
فى منها المالح والغير مالح
انا بصراحه بجيب الغير المالح لاستخدامه فى الطبخ
او الحلويات
جزاكى الله كل خير….كفيتى ووفيتى
و تسلميلى على ردك وشرحك و ان شاء الله اسأل عليها و اجيبها من السوبر ماركت أو محل الالبان و استخدمها. ربنا يسعدك و يرزقك ويفرحك بنور
بس ممكن اعرف الافضل احفظها فى الفريرز ولا فى التلاجه عادى؟؟
كتبت بواسطة نووودى 
اذا جبت المستطيلات المغلفة ممكن تحفظيها في حافظة الطعام البلاستيك دون ان تزيلي عنها عن الغطاء الورقي و ضعيها في الثلاجة
ولو عندك كميه
حطيها فى الفريزر وقبل العمل طلعيها تفك