السلام عليكم
تقريبا دي تاني مشاركة ليا من زمان ماشاركت ويارب تعجبكم
انا حاطة الموضوع دا في منتدى عالم حواء بس اسمي غير عشان لاتحسبوه منقول 
نبدأ بالمقادير
بسكوت اوريو ( على حسب صينيتك او الزبادي حقتك ) انا يكفيني مغلفين
بسكوت شاهي اولكر او ماري او اي نوع تفضليه بس سادة ( مغلفين كفاني )
شوية حليب لتغميس البسكوت
1 قشطة قيمر كبيرة ام 250 مل انا استخدم قيمر بوك جيدة مرة
1 قشطة التاج
2 دريم ويب
3 جبنة كيري
نص ملعقة صغيرة فانيليا
3 ملاعق اكل نوتيلا مليانة
2 جالكسي بالكراميل
كورن فليكس للتزيين
ونبدأ بالطريقة اعذروني ماصورت الطريقة لانو ماكان في بالي اني احط الحلا بالمنتدى لاني ماحب تحميل الصور
بس مايغلا عليكم 
1- نخلط الكيري والقشطتين والدريم ويب والفانيليا في خلاط العصير
2- نجيب تلاتة زبادي وحدة نحط فيها 2 جالكسي بالكراميل يكون سايح في حمام مائي او مايكرويف بس انتبهي لا تخليه كتير في المايكرويف لانو راح ينشف بسسسسسسسسرعة
والزبدية التانية تحطي فيها 3 ملاعق النوتيلا
وف كل زبدية تحطي ربع الخلطة البيضا وتخلطيهم مع بعض بالملعقة
3- نجيب صينية او زبادي زي ما انا سويت او كاسات الي تحبيه وتغمسي بسكوت الشاهي غمسة وحدة في الحليب وتكسريه قطع كبيرة وتحطيه بحيث يكون طبقة وحدة بس
4-تحطي عليه من الخلطة الي بالجاكسي
5- تجيبي بسكوت الاوريو وتخرجي الكريمة وتغمسيه في الحليب وتكسريه على طبقة الجالكسي
6- تحطي فوقو الطبقة البيضا
7- تغمسي بسكوت الشاهي وتكسريه عالطبقة البيضا وتحطي طبقة النوتيلا وتكسري كورن فليكس وتحطيه فوقو
وهادي الصور
بارك الله فبكى
وصفه رائعه ولذيذه تسلملي الاياادي
بس نصيحه يا غاليه .. لو تحطي في توقيعك
انه اسمك في المنتدى الآخر هو كذا منعا لأي لبس في المستقبل
ومره تانيه منوره المنتدى حبيبتي 