✿✿ مشاركتى فى اسبوع الشوفان ب3 انواع حلا وانا ونصيبى 2024.

يا مساء الخيرات والشوفانات على ال666666666666

عملت 3 انواع من حلا الشوفان وانتوا ونصيبكوا تشوفوها 3 انواع او 2 نوع
انتو وزوقكوا
وجبر الخواطر على الله

[center]النوع الاول[/center]

فطير الشوفان بالعجوه

المقادير

2 كوب شوفان
2 كوب زبده
ا كوب دقيق
3 بيضه 4 م ك لبن بودره
ماء للعجن
ومتنسوش الفانيليا والبكنج بودر
عجوه للحشو مع قطعة زبده زشويه قرفه
على النار للاندماج

الطريقه
نخلط النواشف مع بعضهم
والسوايل مع بعضهم وكله على بعضه
واعجن بالماء
واكور العجينه واحشيها بالعجوه وبعد كده انا حطتها فى فورمة الكحك
وخبزتها فى الفرن وكانت ناعمه جدا

[center]النوع التانى [/center]

كيكة الشوفان

المقادير
11/2 كوب شوفان
11/2 كوب دقيق
1 كوب سكر
1 كوب زبيب
2 م ص قرفه
بكنج بودر
1 بيضه
3/4 كوب لبن
1/2 كوب زبده

الطريقه
اخفق السكر مع الزبده
واضيف البيضه والفانيليا
وبعد ذلك اجمع النواشف مع بعض واضيفهم شويه شويه مع التقليب الخفيف
وادهن صينيه بالزبده والدقيق
واضع العجينه
وادخلها الفرن

وطبعا بالنسبه للفطير بالعجوه اولادى حبوه جدا لكن بالنسبه للحزين التانى فكان غريب بالنسبلهم
وانتوا عارفين اختكوا
وجع بطنى ولا خسارة حكتى
لا والله انا باستخسر تروح حاجه مفيده على ولادى هباءا
المهم عايزه اكلهلهم ومنها اعمل حاجه ثالثه ويكون ده النوع ال3
اضحك عليكوا يعنى
فعملت النوع الثالث وهو ترايفل بكستر الشوفان

والطريقه
بعمل الكستر عادى زى ماهو مكتوب على العبوه لكن بضع على كوب اللبن م ك شوفان وبطبخه عادى خالص

وابطن الكاس بتاعى بالكيك الحيران
واشربه ماء الكمبوت او اى عصير
واحط فاكهه مقطعه واشربه جيلى دايب بالماء يعنى الباكت معاها 11/2 ماء وبعد ان يبرد اضع الكستر
واتركه يبرد واضع من فوق الكريم شانتيه المخفوق