اكلتنا الجنوبية .:.: المقرص :.:. من مطبخ أم المهندس 2024.

حليب
( المفروض نستخدم الطازج بس نحنا عوضناها بـ 6 أكواب ماء + 12 ملعقة حليب جاف)
فنجان سكر
دخن أو دقيق بر
أفضّل الدخن لأن فوائدة عديدة وخاصة إذا إجتمع مع الحليب
له فائدة ما تتخيلونها للعظام والدورة الدموية …وغيرها
(أنا أحط بالتقدير بس ممكن تقدرونه بـ 3 أكواب أو أقل )
ماء + شوية ملح للعجن

الطريقة:

نحط الماء فالقدر ونحط عليه السكر والحليب شوي شوي
ونذوبه

بعد كذا نحط القدر على النار

في هذا الوقت نأخذ الدخن ونحط عليه شوية ملح
والماء ونعجن لحدت ما تصير العجينة لينة
لا سائلة ولا جامدة
بهذا الشكل

ولمن يغلي الحليب نهدّي النار

ونأخذ العجينة ونشكل منها
كرات بالملعقة
ونحطها فالحليب

مع التحريك طبعا
يعني بعد كل ثلاث كور حركي بملعقة خشب

وهكذا الين ما يبقى إلا حاجة بسيطة من العجينة

ونحط عليها ماء ونحركها
وتصير سائلة

ونصبها فالقدر

( عني أنا ما أحب الكور كثير فما أكثّر منها يعني يا دوب أسوي كم حبة وأخلي الباقي سائل- ولو إن زوجي ما يحب الكور كان ما سويت ولا حبة خخخخ )

بعد كذا نظل نحرك إلين تثقل مررررررررة
إذا حسيتيها باقي خفيفة
سوي عجينة سائلة كمان وحطيها عليها وحركي
وخلي بالك طويل
لأنه يحتاج تحريك مستمر
وبعد ما ينضج
صبيه فصحن

وممكن تحطين عليه زيت سمسم
( عني ما أحبه <<< ما تحب شئ )

وإذا ما راح تأكلينه مباشرة
حطيه بحافظة حرارة
لأنه لازم يتأكل سااااااااااخن

وبالصحة والعافية

وهذا الصحن لـحبيبة قلبي
RAWAD
بس ما فتحت الباب
شكلها ما تبي تـ …..؟( هي تعرف)
خخخخخخخخخخ