المقادير
لفة قمر الدين
نص كيلو سكر
6 معالق كبيرة نشا
مكسرات للتزيين
الطريقة
اول حاجه هنجيب حلة مقاس 18
ونحط فيها قمر الدين والسكر
ونملا الحلة ميه
ونحطها على نار هادية
ونفضل نقلب لغاية ماالسكر وقمر الدين يدوبو ويبقو حاجة واحدة
وأول مانلاقيهم بيغلو
نحضر مج كبير ونملاه ميه ساقعه وندوب فيه 6 معالق كبار نشا
ونضيفهم لقمر الدين والسكر بالتدريج
ونفضل نقلب
لغاية مايغلو وتحسى ان القوام بقى غليظ
طبعا احنا مش هنطفى النار غير لما تحصلى ع القوام اللى انتى عايزاه
ساعتها تطفى النار وتبدأى تغرفيه فى اطباق
وتحطى عليه مكسرات للتزيين
وصحتين وعافية
وفى انتظار تطبيقاتكم
وتحت امركم فى اى استفسار