عملتلكم كنافة عش البلبل بحشوة الكاجو بس قبل ما ابدا في اشياءحصلت معي اثناء العمل خلت البلبل يطير من عشه
هههههههههه
الكنافة يلي اشتريتها كانت من التلاجة عند محل الحلال ويمكن قديمة او تلجوها اكتر من مرة هيك وقت فك التلج كانت ناشفة وبتكسر قمت بليتها بشوية مي لحتى تطرا واعرف اشتغل فيها وبعد معركة بالمطبخ طلع منها كم خصلة نفعت نوعا ما للف
بس لما شويتها ما استوت بسرعة وقت الشوي لهيك الحشوة استوت قبل الكنافة واضطريت بدلها بحشوة جديدة ومع ذلك الكنافة ما اتحمرت متل ما بدي حتى زوجي قلي فيها شي غلط الكنافة مع انو مو خبيييير كنافة بس على كل بعد هالقصة الطويلة والمعاناة اليكم المقادير والطريقة وان شالله لح تجيكم لو عملتوها احسن بكتير مني للاسباب المذكورة اعلاه
نبدأ على بركة الله تعالى
المقادير :
كنافة شعر
كاجو ني او غير محمص
قطر ( شيرة ) حسب الرغبة بس انا ما كترت لاني بحبها ناشفة شوي
سمن حيواني لذيذ الطعم ممكن تحطي نباتي اذا حبيتي
الطريقة :
ناخذ خصلة من الكنافة ونلفها على اصبعتينا الوسطى و الشاهدة ونضعها في طبق بايركس او صينية اذا وجد بس انا ما عندي الا طبق البايركس بعد ان نملا القاعدة بكمية معتبرة من السمن طبعا لا حدا يقلي كتير وقليل هي اكلة غير صالحة للريجيم هههههه
اعذروني ما صورت الخطوة لاني كنت بعز المعركة ونسيت صورها بس متل طريقة ام ماهر الله يحفظها وهي لما خلصت صف الاعشاش
ملاحظة اشوي الكنافة قبل ما تحطي الحشوة وذلك بتوزيع سمن كتير على اعلى الاعشاش وضعيها في الفرن لحتى ما تتحمرنص الوقت بعدها اعملي هي الخطوات التالية بس انا اخطات لاني نسيت لهيك اضطريت لتبديل الحشوة )
متل هي الخطوة بس لا تحطي الحشو بالداخل الا بعد نص الاستواء
الحشو
جيبي الكاجو اما صحيح يعني حبة كاملة او اذا حبيتي تفرميه ناعم و خشن على راحتك
خدي شوي قليل من القطر وضعيه على النار واغليه لحتى يصير اسمك او ضيفي عليه شوية سكر اضافية واغليه لدقايق
وصبي كمية فوق الكاجو وقلبيهم بتحسي انهم التصقو ببعض
احشي الاعشاش ورجعيها الفرن ليتحمر الكاجو
انا لانو الحشو احترق شوي شلتو وحمصت كاجو وحطيتلو القطر ورجعت حشيت الاعشاش
اخرجيه من الفرن وانتظري قليلا شي عشر دقايق وفرغي الفائض من السمن داخل العلبة وبعدها صبي ملقة قطر عادي فوق كل عش وبعد ذلك ضعي كل عش بورق الكب كيك وقدميه ان شالله تعجبكم بس
ملاحظة (لا تعيبو على صوري لانو بعد عذاب طلعو هيك )
بس للصراحة الطعم رائع وبيقرمش بس لازم لونهم يكون بني اكتر بس الحق على الكنافات
اتمنى تعطيني رأيك بصراحة أختي أم ماهر
عش البلبل طالع غير شكل
بالف صحة وهنا عليكم
يمكن لو ذوبتي السمنة وزعتيها على الكل كان استوت (مجرد راي
)وبالنسبة للحشوة احترقت قبل لانه القطر هو اللي حرقها
المعروف انه السكر يحترق بسرعة
كنت وضعتي الكاجو وشويتيها ولما تنضج تسقيها بالقطر تتماسك الحشوة
بس على العموم طالعة رووووووعة معاك
بارك الله فيك
وبالف صحة وهنا عليك
كتبت بواسطة ام مرمر و ليلو 
عش البلبل طالع غير شكل
بالف صحة وهنا عليكم
يمكن لو ذوبتي السمنة وزعتيها على الكل كان استوت (مجرد راي
)وبالنسبة للحشوة احترقت قبل لانه القطر هو اللي حرقها
المعروف انه السكر يحترق بسرعة
كنت وضعتي الكاجو وشويتيها ولما تنضج تسقيها بالقطر تتماسك الحشوة
بس على العموم طالعة رووووووعة معاك
بارك الله فيك
وبالف صحة وهنا عليك
الله يسلمك يا احلى أم مرمر نصايحك صحيحة واستفدت منها كتيير ورأيك يهمني كثيرا
هلق في خطوات أنا آخدتها من منال العالم وهي انها بتوزع السمن بهالطريقة لانوالسمنة رح تذوب وتتوزع لوحدها و بتحلي الحشوة قبل ما تحشي لاني أنا بحب هي الحلويات تجي ناشفة شوي مو مسقية كتير بالقطر بس صح كلامك لانو الكنافة طولت بالفرن لهيك احترق بس الكنافة لو كانت تازة او طرية كانت استوت اسرع لكن لما حطيت المي لرطبها عندت معي واخدت اكتر من ساعة بالفرن لطلعت هيك بالنهاية
مرورك اسعدني
لست خبيرة في الكنافة لكن أعجبتني
نفس ملاحظات الغالية أم مرمر وليلو
أعجبني سيناريو التحضير
إن شاء الله المرة القادمة تكون مضبوطة أكثر .
حبيبتى وضع السمنه من تحت بكون احسن وتحمير الكنافه على عين الغاز بالاول بكون افضل حتلاقى العشاش تحمرت والحشوة مثل ما هى
ثانى شىء لا نضع على الحشوة اى شىء فقط بناخذها من الكيس وبنحطها
اما الشكل ممتااااااااااااااااااااااااااااااااااز بالنسبه لعجينه مثلجه وانا حكيت انو خاصه عش البلبب افضل طازج
صحه وهنا على قلبكم حبيبتى وجزاك الله كل خير
اسعدنى طبقك ان شاء الله البنات يجربوة لانه الكاجو ازكى
عش بلبل رائع
تسلم يدك
كتبت بواسطة zineb gharbia لست خبيرة في الكنافة لكن أعجبتني
نفس ملاحظات الغالية أم مرمر وليلو
أعجبني سيناريو التحضير
إن شاء الله المرة القادمة تكون مضبوطة أكثر .
مشكورة يا قمر على مرورك ودعمك وملاحظتك بارك الله فيك
كتبت بواسطة (( ام ماهر )) حبيبتى وضع السمنه من تحت بكون احسن وتحمير الكنافه على عين الغاز بالاول بكون افضل حتلاقى العشاش تحمرت والحشوة مثل ما هى
ثانى شىء لا نضع على الحشوة اى شىء فقط بناخذها من الكيس وبنحطها
اما الشكل ممتااااااااااااااااااااااااااااااااااز بالنسبه لعجينه مثلجه وانا حكيت انو خاصه عش البلبب افضل طازج
صحه وهنا على قلبكم حبيبتى وجزاك الله كل خير
اسعدنى طبقك ان شاء الله البنات يجربوة لانه الكاجو ازكى
تسلميلي يا أم ماهر بعد عش البلبل تبعك مافي والله
عجينتي مو بس مثلجة بظن أنها معاد تثليجها كذا مرة لانها كانت قاسية متل الشعيرية
أنا حطيت سمنة من تحت كمية وفيرة ومن فوق أيضا بس المشكلة ما عندي صينية مدورة صغيرة لهيك ما بقدر أعملها على الغاز والبايركس مربع قبل مرة جربت أعمل بصينية مربعة كنافة نابلسية على الغاز عذبتني كتير لاني ما قدرت دورها بسهورلة لوزع الحرارة هي مشكلتي بس ان شالله بس حصل محل عندو صينية صغيرة تكفيني أنا وعيلتي رح اشتريها بإذن الله
بالنسبة للحشوة أنا عملتها متل ما قالت منال العالم لانو حتى بياعين الحلويات بالشام بيعملو هيك بس الظاهر لح جرب طريقتك المرة القادمة لانو ظروف الكنافة ما بتسمح
الله يخليلي ياكي على نصايحك وتشجيعك كتير أسعدني مرورك وتعليقك المفيد جزاك الله الجنة
كتبت بواسطة sana5783 على قلبك الله يسلمك
كتبت بواسطة **ام ريان ** الله يسلمك يا أم ريان
كتبت بواسطة أم الكرامة عش بلبل رائع
تسلم يدك
مرورك الأروع بارك الله فيك
بينى وبينك ما تحكى لحد شكل اعشاشك احلى ههههه والله
حبيبتى انا باخذ وصفاتى من صاحبتى زوجها وابنائه معلمين حلو فى محلات عطا على سابقا يعنى شغل حلو عربى
منال لها طرقها بس مش دائما صحيحه هيك راى لا تحكيلها