ازيكم يا احلى صحبه
اول مرة انزل موضوع فى قسم الطبخ يارب اكون ضيف خفيف عليكم وان شاء الله الوصفه تعجبكم
المكونات
2 كوب سميد ناعم
2 كوب دقيق
1 م ك خميرة جافه
2 م سكر
نص م ص ملح
1 كوب سمن
1 كوب ماء للعجن او حتى تتكور العجينه
الحشو
1 كوب فول سودانى مقشر ومفروم
1 كوب سكر
2 ملعقه قرفه
بيضه لمزج مكونات الحشو وممكن ربع كوب ماء بدل منها
الطريقه
نخلط الدقيق مع السميد مع السكر والخميرة ورشه الملح ثم نضيف السمن ونقلبهم سوا وبعدين نعجنهم بالميه لحد مالعجينه تتلم وتتكور معانا ولا تلتصق باليد
نسيبها تختمر فى مكان دافى حوالى 3 ساعات
نحضر الحشو
نخلط السودانى مع السكر مع القرفه مع بعض ونضيف البيضه ونقلبهم سوا كويس عشان الحشو يمسك فى بعضه وممكن بدل البيضه ربع كوب ماء
العجينه خمرت خلاص كده نقسمها بقى جزئين جزء اكبر من التانى
نفرد الجزء الاكبر فى صينيه مدهونه زبده ونبطن حواف الصينيه من الداخل حتى لا يخرج الحشو اثناء التسويه
نفرد الحشو فوق العجينه بالتساوى
نفرد الجزء الاصغر من العجينه فوق الحشو ونقفل حواف العجينه اللى تحت مع الطبقه اللى فوق من العجينه …. يارب تكونوا فاهمين قصدى
نخطط الصينيه بالسكين بالشكل اللى تحبوه بس مش للاخر .. لا بس ضغطه خفيف بالسكين وبعد متستوى قطعوها عالخطوط دى
نخبزها بقى فى الفرن السخن على حرارة 180 لمده مش عارفه اد ايه ههههههههههههه لحد متستوى اوعوا تسيبوها و
هزعل منكم
نشوف الصور
معلش مصورتش الخطوات المرة الجايه ان شاء الله
انا مش بعرف انزل صور يارب تظهر
بجد طعمها جمييل اوى وعجبت ابنى جداا
ان شاء الله تعجبكم كمان وتجربوها
هههههههههههههه
وبما اني اول رد فصحن من نصيبي
الله يعطيك العافية بجد روعة ماشاء الله
بس ياريت لو صغرتي الصور شوي ياقمر
ام نزار مش بعرف اصغر الصور ياريت لو حد من المشرفات يصغرهم يبقى جزاه الله خيرا
ومرورك الاروع يا عسل
النت بطيء ولو صار سريع
اصغر لك الصور واضيف اسمك كمان
نورتي الركن