السلام عليكم ورحمة الله وبركاته
أخواتي :
ظاهرة من الظواهر الإجتماعية منتشرة وبشكل كبير الأ وهي ظاهرة التسول !!!!!!!
فنجد أن هذه الظاهرة منتشرة في كل مكان 00 ولكن نلاحظ كثرتها عند الحرم المكي
في مكة المكرمة شرفها الله 00
وكذلك تكثر هذه الظاهرة في شهر رمضان شهر الخير والبركات!!!!!!
وقد نسمع أن بعض هولآ المتسولون ليس محتاجين ولكن قد تكون صفة متأصلة فيهم والله أعلم ؟؟؟؟
أخواتي :
أرجوا من الجميع مناقشة هذا الموضوع ؟؟ وما هي الأسباب التي أدت إلى ذلك؟؟؟
وما هي طرق العلاج والتي قد تحد من هذه الظاهرة الغير مستحبة ؟؟؟؟؟
مع ذكر قصص حصلت لنا معهم أو سمعناها 00مع ذكر دورنا في علاج هذه الظاهرة ؟؟
ولكن يجب علينا مراعاة عدم نهر السائل كما جاء ذكره في القرآن الكريم
قال الله تعالى ( وأما السائل فلا تنهر)0
أرجوا من الاخوات المشاركة وجزاكن الله خيراً
والسلام عليكم ورحمة الله وبركاته 00
انا بقلك قصص صارت برمضان الي خلص من اسبوعين
والله لولا قول الله تعالى وأما السائل فلا تنهر والله انا كان نفسي ابهدلهم وادعي عليهم الخ
بيجوك وانت نايمة وبدقوا الباب بشكل غريب برنوا الجرس بشكل مريع بتحسي في حد جايبلك مصيبة
بقوم من النوم ركض اشوف مين
بقول يمكن اهلي شايلين اغراض بس كمان ماراح يدقوا هيك وميت هاجس وهاجس بيجي برأسي
وكلو سيء لانها مش طريقة طبيعية لدق الجرس
بعد شوي بتلاقي آسيوي يقلك وكلهم حافظين نفس الكلاس ( أنا مسكين)
وكل يوم ضهر وبعد المغرب يتكرر المنوال
وازا اعطيتي حد فيهم بتلاقي متسولين شرق آسيا كلهم قدام بيتك
وشوفي كيف بيتوزعوا وهدا شافوها أقاربنا وبعد كتبت الجرائد عنهم بعد ما مسكوهم وهدول كانوا مجموعة من النسوة الآسيويات
مأجرين باص صغير وبينزلهم بمكان وبينتشروا وفي ساعة معينة بيرجعوا فيها!!
هدول محتاجين؟؟ أصحاء وبالغين ما يشتغلوا ويتنجوا؟؟بس على رأيهم الي ببلاش كتر منو
بعدين مرة وميلتي كانت بمدرسة ومر عليهم رجال عربي بيقول سيارتو خربانة ومحتاج 200 درهم عشان يوديها التصليح وعطلت عليه فجأة وما معاه المبلغ وهو جاي من مدينة تانية
بعد كم يوم راح لصديقتي على الشغل وقالها نفس الكلام!!!!!!!!!
هدا نصاب …لا يعقل انو يكون أب حنون بيدور لاولادو على رزق
الانسان الكويس ما بيكذب وينصب ليش..هو اكيد بيعمل هيك للمنكر سكر- قمار في الغالب- الخ ما بحسوا انهم عم ياخدو من قوت ناس موظفة بتشقى عشان تعيش أسرها وما بيكسبوا بالملايين كلهم موظفين برواتب بسيطة
لانو الشركات الكبيرة فيها أمن ومش سهل يفوتوها!
عن نفسي كتير بخاف من المتسولين وانا صغيرة ما كنت احب اطلع لاني رحت بلدان عربية وشفتاشكال بتخوف الي نايم فوق (العفو) سلة المهملات وهو جثة طويلة عريضة ولابس خيش!!
ومتل الي بنشوفهم بالتلفزيون عاملين عاهات.
الصراحة التشديد مطلوب من الدول
وانو الناس تبلغ عنهم لانهم في الغالب لديهم نزعة اجرامية
وأحلى شي لما تعطيهم أكل بيطلعوا فيك من فوق لتحت وما بياخدو
صديقتي دقت عليهم وحدة بتقلهم أعطوني بخور!!!!!
وأبو صديقتي رن علي واحد البيت فكلمو من الجهاز الي ممكن الي داخل البيت يكلم الي بدق الجرس
الاب قال مين
رد عليه بالمنوال نفسو (أنا مسكين) فلأب اصنع اللكنة الآسيوية بالتحدث بالعربي وقال بابا مش موجود انا السواق وانا فقير!!