السلام عليكم ورحمة الله
انا مصرية واريد ان نجتمع كمصريات نناقش هنا مايخصنا من امور حيث ان طبيعتنا ومشاكلنا تختلف بشكل او باخر عن اخواتنا من البلدان العربية الاخرى وقد لاحظت ذلك من ردود بعض الاخوات قد يكون لظروف اجتماعية مختلفة – قد يكون لاسباب كثيرة
ايه رايكم ممكن تفاعل
اللي عندها مشكلة وعايزة تفضفض سواء من بيتها او من ظروف اجتماعية او حتى من عدم زواج او اي حاجة اي حاجة اكيد هنحس ببعض اوي وهتكون ردودنا على بعض مثمرة باذن الله
انا في انتظاركم
ام سلمى وشاهي
اهلا بيكي يا ام سلمى و شاهي
على فكرة احنا فعلا مجموعة بنات مصريات كتير في ملتقى الاخاء و الترحيب و بنفتح بيت للمصريات بنتكلم و ندرنش و نقول كل اللي عايزين نتكلم فيه مننا متجوزين و في مخطوبين و في بنات لسه في الجامعه و ناس عايشه في مصر و ناس متغربه برا مصر
و فعلا مجموعه جميله جدا هتستريحي معاهم جدا تنورينا هنا كيا قمر و الرابط بتاعه اهو
http://www.lakii.com/vb/showthread.p…=1#post4912151
و احب اتواصل معاكم و كلامك سليم جدااااااااااا
وحالا هاكون معاكم هناك وبردوا لو هنا مفتوح مايخسرشي
غادة على
بنت بنوت
اشكركم جدا جدا وسعيدة اني لقيت مصريات في المنتدى لان دا منتدايا المفضل فعلا
سلام ياقمرات
ياترى ايه سبب غلق الموضوع
حصل حاجة والا ايه
وانا ان شاء الله معاكوا واتمنى كل المصريات
يبقوا معانا
انا معاكم هنا يوميا من 9 لحد 4 تقريبا مواعيد الشغل
يالا نتواصل واللي عندها موضوع عايزة تطرحه تتفضل
انا من سكان اكتوبر وعندي 3 اولاد اعدادي وابتدائ وكي جي
مشاكلهم متنوعة علشان سنهم متباعد
كمان فيه حاجات بتحصل في بيوتنا كلنا تقريبا على كل المستويات من مشاكل في ارتفاع اسعار من طلبات العيد من محلات بتفتح جديد وفيها حاجات كويسة يعني الحاجات دي يلا نناقشها
ورجاء من مشرفي المنتدى عدم غلق الموضوع او التنبيه اذا كان هناك نية لغلقه حتى لايكون تجمعنا بلافائدة بعد فترة
دمتم في رعاية الله وامنه
ام سلمى وشاهي
انا اسمى نانسى من طنطا وانا موافقه على فكره ام سلمى وشاهي بس ازاى؟؟؟
وعلى فكره انا اعتقد ان الرابط اللى ادتهولنا الاخت ghada ali مغلق علشان الردود ماشاء الله كتييييييييييييييييير اوى وده مجرد موضوع مش نافذه.
انا بقترح اننا ممكن نقدم طلب للمشرفات بفتح نافذه خاصه للمصريات وده بعد ما نعمل استفتاء.
ايه رايكم؟؟؟
حياك الله
غاليتي لايسمح بطرح مواضيع للدردشة في ركن النافذة الاجتماعية
حيث ان مثل هذه الموضوعات قاصرة على المشرفات
و أيضا الموضوع الوحيد المفتوح للتعارف و الدردشة الهادفة في الركن
هو استراحة النافذة
حسب تعليمات الادارة
أرجو حسن تفهمك
عذرا الموضوع مغلق