عارف انى بكون سعيدة جدا و انا بسمعك بتتكلم عن حاجه مدايقاك و تفضفض و اقدر اشيل همك و ترتاح بعد ما تكلمنى
عارف انى بحس بنوع من الغرور اللذيذ لانى الوحيدة اللى لما بتكلمها بتخلى نفسيتك احسن
عارف انى بيكون ورايا حاجات كتير اوى بس باجلها عشان اقعد اكلمك و اسمع رايك
عارف ان حديثنا لما بيكون جاد جدا و يتخلله فى النص طرفه او نكته بتخلى الحديث مهما كان مرهق وممتلىء بالمشكلات ممتع و عميق و له اثر ايجابى جدا
عارف انى مقدرش اتخيل انك ممكن تحكى لحد تانى !!
اوعى تفتكرها انانية بس انا متأكدة ان محدش هيسمعك زيي ولا يحس بيك ادى
عارف انا لما بتخنق منك جدا بلاقى افضل وسيلة عشان ادايقك ايه ؟
انى متكلمش معاك
متسمعش صوتى ولا تشوف ضحكتى 
وعارف كمان انى لما الضغوط تزيد عليا مبلاقيش حاجه تريحنى اد جلسة طويلة معاك نتسلى بالدردشة فيها مع كوبايتين شاى ولب وسودانى ونوجه و نتكلم فى اى كلام حتى لو مش مهم 
عارف ان الكلام معاك متعة مش ممكن اقدر اتخيل حياتى من غيرها
عارف اننا مهما بعدنا عن بعض بيكون عندى يقين ان صداقتنا اقوى من اى بعاد ؟
وانها مهما بعدنا هتخلينا دايما قريبين
اعرف يا صديقي الجميل ان الحياة طاحنة و ضغوطها متزايدة و صوتها صاخب مؤذى
لكنى اعطيك عهدا بأننى ساكون دوما الرافعة التى توقف الطاحونة
وبؤرة التنفيس التى تقلل الضغط
ومفتاح التحكم الذى يجعلك تنعم ببعض الهدوء
واعرف انك ستكون دوما لى المثل
فكن دائما بخير يا صديقي يا زوجى الحبيب
باسم الله ما شاء الله كتاباتك ممتازة.اسال الله ان يديم عليك نعمة الزوج والاولاد.دمت بخير.
كتبت بواسطة lollypopy79 
اللهم امين نورتينى اختى و جزاك الله خيرا لدعائك الطيب
كتبت بواسطة sabrin7 باسم الله ما شاء الله كتاباتك ممتازة.اسال الله ان يديم عليك نعمة الزوج والاولاد.دمت بخير.
ربنا يعزك اختى سابرينا والله كلماتك كثيرة على جدا اشكرك بحق
كلااااااااام رائع
عجبتني كلماتك كتير
الله يخليكن لبعض يارب
يسلمو عالموضوع الحلو
الله يديم المحبة ويصلح كل البيوتا ويملى الدنيا سعادة 
مشكورة يا عسل ..
الله يخليكن لبعض يارب