معلش برغم ان ده موضوع يمسني لوحدي بس معلش هتكلم عنه يمكن احس بارتياح
انا الابنه الصغرى المدلله لبابا الله يرحمه وبصراحه هو كان مدلعنا كلنا بس انا عشان صغيره كنت ازيد وكان دايما يقوللي الصغير حتى يكبر وسبحان الله هوتوفى بعد تخرجي من الجامعة
والدي حبيبي ترك جوايا ليه كل مشاعر الحب والتقدير دايما افتكره يعني كل يوم لازم افتكر ليه نصيحه , كلمه حكيمه ,دعابه رقيقة,نظرة حنينه
بصراحه انا مش عارفه ابدا منين بس انا بكتب كل اللي حاسه بيه هو كان حنين كريم حكيم مفكر انا كنت دايما مشهوره بيه اي مكان اروح يقولولي انتي بنت فلان ده انسان محترم اللي يقوللي انه ساعده يبقى ليه بيت واللي يقول انه جابله حقه من اللي ظلموه واللي تقول ان ساعدهم في الجهاز واللي يقول انه كان استاذه وانه ذاكر ليه بدون اجر مراعاه لظروفه على فكره هو مش مدرس لكن كان بيشرح في المدارس اللي عندنا بدون اجر برغم انه كان رئيس مجلس المدينه طبعا ده من زمان وانا لسه متولدتش ايام ماكانت الظروف الاقتصاديه للناس وحشة لكن انا وعيت على حاجات جميله اوي: على بيت لا يخلو من العزايم او فض المنازعات بين الناس على اب (الله يرحمه) كان خال وعم سداد قام بدور الخال والد على حق مع اولاد عماتي اللي توفى ازواجهم وحتى اقرباء والدتي اللي من غير اب كان نعم الاب ليهم
لانه كان انسان ناجح في شغله وكان حقاني كان ليه حزب اعداء النجاح عمري والله يعلم ما سمعته بيقول عليهم اي حاجه وحشه بالعكس كان برده بيحل ليهم مشاكلهم وكنت بستغرب واقوله مش ده فلان اللي مش بيحبك يقولي ده عفى الله عما سلف ويا بخت مين يسامح
كان طيب وجميل عمره ما حسسنا باي مشكله ماديه حتى في وقت الازمات
وكان بابا حبيبي رقيق مع الناس الغلابه العمال والفلاحين في الارض يحب ياكل معاهم ويحترمهم كلهم كانوا بيحبوه ولا زالوا بيذكروه بالخير
اما معانا كان بيكلم كل واحد فينا في اهتماماته كان مصاحبنا كلنا يشوفنا بنحب ايه عشان يوفرهولنا لو نايم وسمعنا صاحيين يفرح ويقوم عشان يتكلم معانا
دايما كنت بقول عنه انه بطلي اصله كان ما شاء الله بيفهم في كل حاجه كل مشكله بيحلها بيتكلم في السياسة في الاقتصاد في الدين بجد مش هشوف زيه تاني اد ايه مثقف وعنده بعد نظر وروحانياته كانت عاليه وكان دايما يفوض اموره لربنا وتلاقيه راضي ومطمئن في احلك المواقف
بابا كان ليه هيبه طول بعرض ووجهه طيب وحنين وشعره اسود زي الليل بصراحه ميتنسيش كل حاجه فيه حلوه حتى بعد وفاته بشوفه ما شاء الله متزين ولابس جميل ولابس حلى من فضه ودايما يجيلي يصالحني لو نايمه زعلانه انا بحبه اوي
اخر مره شفت بابا بصلي بحنيه وقال لي عامله في الشغل -كنت متعينه جديد مبقاليش اسبوع- قلتله كويسه قاللي عايز اطمن عليكي انا عارف انك خجوله ولما قولتله اني كويسه قاللي الحمد لله وخرج بابا ورجع تعبان وبيت في المستشفى ليله وتوفى فجر الجمعه وكان اخر حاجه بيعملها بيسد دين وبيزور ايتام واخر حاجه قالها ايات من القران الكريم الله يرحمك يا حبيبي
اسفه طولت لكن كنت محتاجه اتكلم عنه رجاااااء اللي تدخل تقرا الموضوع تدعيله بالرحمه هو وسائر امواتنا يارب
بعد بكره الذكرى السنويه ليك يابابا يوم 16 فبراير الله يرحمك وينعمك ويطمني عليك زي ما ربتنا صغار وكبار
كتبت بواسطة kady 3 
معلش برغم ان ده موضوع يمسني لوحدي بس معلش هتكلم عنه يمكن احس بارتياح
انا الابنه الصغرى المدلله لبابا الله يرحمه وبصراحه هو كان مدلعنا كلنا بس انا عشان صغيره كنت ازيد وكان دايما يقوللي الصغير حتى يكبر وسبحان الله هوتوفى بعد تخرجي من الجامعة
والدي حبيبي ترك جوايا ليه كل مشاعر الحب والتقدير دايما افتكره يعني كل يوم لازم افتكر ليه نصيحه , كلمه حكيمه ,دعابه رقيقة,نظرة حنينه
بصراحه انا مش عارفه ابدا منين بس انا بكتب كل اللي حاسه بيه هو كان حنين كريم حكيم مفكر انا كنت دايما مشهوره بيه اي مكان اروح يقولولي انتي بنت فلان ده انسان محترم اللي يقوللي انه ساعده يبقى ليه بيت واللي يقول انه جابله حقه من اللي ظلموه واللي تقول ان ساعدهم في الجهاز واللي يقول انه كان استاذه وانه ذاكر ليه بدون اجر مراعاه لظروفه على فكره هو مش مدرس لكن كان بيشرح في المدارس اللي عندنا بدون اجر برغم انه كان رئيس مجلس المدينه طبعا ده من زمان وانا لسه متولدتش ايام ماكانت الظروف الاقتصاديه للناس وحشة لكن انا وعيت على حاجات جميله اوي: على بيت لا يخلو من العزايم او فض المنازعات بين الناس على اب (الله يرحمه) كان خال وعم سداد قام بدور الخال والد على حق مع اولاد عماتي اللي توفى ازواجهم وحتى اقرباء والدتي اللي من غير اب كان نعم الاب ليهم
لانه كان انسان ناجح في شغله وكان حقاني كان ليه حزب اعداء النجاح عمري والله يعلم ما سمعته بيقول عليهم اي حاجه وحشه بالعكس كان برده بيحل ليهم مشاكلهم وكنت بستغرب واقوله مش ده فلان اللي مش بيحبك يقولي ده عفى الله عما سلف ويا بخت مين يسامح
كان طيب وجميل عمره ما حسسنا باي مشكله ماديه حتى في وقت الازمات
وكان بابا حبيبي رقيق مع الناس الغلابه العمال والفلاحين في الارض يحب ياكل معاهم ويحترمهم كلهم كانوا بيحبوه ولا زالوا بيذكروه بالخير
اما معانا كان بيكلم كل واحد فينا في اهتماماته كان مصاحبنا كلنا يشوفنا بنحب ايه عشان يوفرهولنا لو نايم وسمعنا صاحيين يفرح ويقوم عشان يتكلم معانا
دايما كنت بقول عنه انه بطلي اصله كان ما شاء الله بيفهم في كل حاجه كل مشكله بيحلها بيتكلم في السياسة في الاقتصاد في الدين بجد مش هشوف زيه تاني اد ايه مثقف وعنده بعد نظر وروحانياته كانت عاليه وكان دايما يفوض اموره لربنا وتلاقيه راضي ومطمئن في احلك المواقف
بابا كان ليه هيبه طول بعرض ووجهه طيب وحنين وشعره اسود زي الليل بصراحه ميتنسيش كل حاجه فيه حلوه حتى بعد وفاته بشوفه ما شاء الله متزين ولابس جميل ولابس حلى من فضه ودايما يجيلي يصالحني لو نايمه زعلانه انا بحبه اوي
اخر مره شفت بابا بصلي بحنيه وقال لي عامله في الشغل -كنت متعينه جديد مبقاليش اسبوع- قلتله كويسه قاللي عايز اطمن عليكي انا عارف انك خجوله ولما قولتله اني كويسه قاللي الحمد لله وخرج بابا ورجع تعبان وبيت في المستشفى ليله وتوفى فجر الجمعه وكان اخر حاجه بيعملها بيسد دين وبيزور ايتام واخر حاجه قالها ايات من القران الكريم الله يرحمك يا حبيبي
اسفه طولت لكن كنت محتاجه اتكلم عنه رجاااااء اللي تدخل تقرا الموضوع تدعيله بالرحمه هو وسائر امواتنا يارب
بعد بكره الذكرى السنويه ليك يابابا يوم 16 فبراير الله يرحمك وينعمك ويطمني عليك زي ما ربتنا صغار وكبار
السلام عليكم ورحمة الله وبركاته
انا عضوة فى المنتدى من فترة لكن اول مرة اشارك كنت اكتفى بالمشاركة الصامتة لكن موضوعك اثر فيا جدا
الله يرحم والدك ووالدى واموات المسلمين ويسكنهم فسيح جناته
مش عارفة اقولك ايه انتى كانك بتتكلمى عن والدى انا وعن مشاعرى انا
رغم ان فى اختلافات بسيطة جدا بنا وهى انى لست الصغيرة وانه توفى قبل والدك بسنة6|6
انا ايضا افتقد ابى جدا وخصوصا فى المواقف الصعبة اللى عمرى انا واخوتى شفناها فى ظل وجوده معنالانه كما يقال انه فعلا كان سند
اللهم ارحمهم واموات المسلمين وصبرنا على فراقهم الصعب تصورى حتى بعد مرور هذه الفترة اشعر انه لم يتوفى وانى بحلم انا لله وانا اليه راجعون
اللهم اجرنى فى مصيبتى واخلفنى خيرا منها
معلش طولت عليكى لكنى مفتقده والدى مثلك
رحمتة الله على والدك
وكل اموات المسلمين
و اسكنهم في جنانك يا كريم
هم السابقون ونحن لاحقون
الله يرحم والدك ويسكنه فسيح جناته وان شاء الله مثواه الجنه
هذه الحياة الدنيا دار عمل وابتلاء , وإن الآخرة هي دار الجزاء ,
فالعمل في هذه الحياة الدنيا أشبهُ بالزارع الذي يزرع الحب ثم يحصده بعد ذلك
والحمدلله انه عنده هيك بنت تدعوا له هاي الحياة ونهاية الطريق الموت والواحد بعد ما يتوفى مايحتاج غير للعمل الصالح
عن النَّبِيَّ صَلَّى اللَّهُ عَلَيْهِ وَسَلَّمَ ( إِذَا مَاتَ الْمُؤْمِنُ انْقَطَعَ عَمَلُهُ إِلا مِنْ ثَلاثٍ : صَدَقَةٍ جَارِيَةٍ ، أَوْ عِلْمٍ يُنْتَفَعُ بِهِ ، أَوْ وَلَدٍ صَالِحٍ يَدْعُو لَهُ)
الله يرحمو ويرحم جميع امواتنا المسلمون
لك حق تفتخري بيه وتسعدي بذكراه لانه نعمة كبيره
رحمه الله وجعله من اهل الفردوس الاعلى
اكثري له من الدعاء نعم الاب ترك لك ذكري جميله تفتخري بيها في كل مكان
ربنا يصبرك ويعوضك خيرا ملحوظه صغيره حبيبتي مفيش في الاسلام ذكري سانويه
والحمد لله الذى ختم له بهذه الخاتمة
كتبت بواسطة عيون123
شكرا اختي على كلاماتك الجميله واتمنى من الله ان يحفظ لك اهلك واحبائك بكل خير
ولا اقصد بالذكرى السنويه اي مراسم ولكن فقط التاريخ بس بيخليني استرجع الاحداث من تاني