حبيت أعرف تأثير العسل والحبة السوداء على الأطفال؟؟
عندي ابنتي عمرها سنة وشهرين كانت تعاني من حساسية بالصدر وكانت كل أسبوعين لازم تتعب ونوديها الدكتور.. وفي يوم قرأت حديث للرسول صلى الله وعليه وسلم بأن الحبة السوداء شفاء لكل الأمراض إلا الموت .. فقررت أستخدمها .. فطحنت كمية منها وصرت كل يوم أحط 1/2 معلقة صغيرة من الحبة السوداء مع ملعقة كبيرة عسل و60 مل ماء وأعطيه بنتي وصار لي الحين أكثر من 3 شهور .. والحمدلله نسينا شي اسمه كحة أو بلغم .. كنت ناويه اعطيها إياه على طول لكن الحين خايفة لأن الشي لزاد عن حده انقلب ضده .. شو رايكم هل ممكن يضر ببنتي؟ أوقف أعطيها إياه وألا أقلل المرات؟؟
واسمحوا لي طولت عليكم
ما أقدر أفيدك إسألي طبيب…….
أختي انا اعاني نفس المشكلة لأبني البكر …وهو الآن عمره عشر سنوات قبل ما اسافر فرنسا
تعب علي رحت للدكتوره استشارية وقلت لها ايش الحل كل اسبوعين ادوية قالت عليك بالعسل والحبة السوداء على الريق تعطيه مناعه بس عسل وحبة سوداء وفعلا وخلطت كمان الحلبة علشان فيه الفائدة بأذن الله وصارت صحته احسن ..واخف الحساسية ..لكن لا بد من الاستمرار ولكن احيانا اتكاسل …الله يشفيها ويشفي جميع مرضانا ومرضى المسلمين..
وعلى قول أختنا إيمان ننتظر رأي الدكتور عبد المحسن ..
والا حتى الاطفال
اتوقع انه من الافضل انك ماتتجاوزين نصف هالمقدار كل يوم من باب الاحتياط
والله يشفي ابنك ويعافيه من كل شر