ابوي ، الغالي 2024.

أبوي اللي ولا مثله بهالدنيا ولا بيكــون
00 00 00 00 00 00 أبوي اللي خذاه الوقت عن عيني وقفا بـه
أبوي القلب من بعده يتيم تايه محــزون
00 00 00 00 00 00 يبي يذكر ولا يذكر سوى الحرمان واسبابه
أبوي ابكيه بالظلما أنا وحدي ولا يـدرون
00 00 00 00 00 00 يعذبني صدى صوته وضحكـاته وترحابـه
أدور له على طيف أضمه في ظما لعيون
00 00 00 00 00 00 أدور له على ذكرى إلى تغطيت بثيابـــه
أبوي اشتاق أنادى له أبوي بصوتي المطعون
00 00 00 00 00 00 نسيت شلون ينطقها لسان الطفل لحبابـــه
ينادي لي صدى الأقدار ينسون البشر ينسون
00 00 00 00 00 00 أنا ما مات أبوي أصلا معي ساكن وأنا احيابه
احبه ما اندفن إلا بثرى قلبي غدا مدفــون
00 00 00 00 00 00 احبه من قدم رجله لحد الظـل بأهدابـــه
فقدته وقلت في نفسي مسير أحزاننا بتهون
00 00 00 00 00 00 ولا اتصورت يذبحني لحد المـوت بغيابـه
أبوي ادري مهو راجع ولو كل البشر يبكون
00 00 00 00 00 00 ولا لي بالبشر رجوى جميـع الناس تتشابه
أنا رجواي من أمره مسير بين كاف ونون
00 00 00 00 00 00 00عسى يرحم يتيم جاه أتعلـق على بابــه

____________________________________________

مجاراة للشاعر ( احمد بوعلاي ) في حب والده اطال الله عمره بعنوان ( الغـالــي )

تأثرت بقصيدٍ هز من حولي عظيـم الكـون
00 00 00 00 00 00 وصارت دمعة عيوني على الخدّين صبّابـة
قصيدٍ يقصد الغالي كلامٍ يوجـع المحــزون
00 00 00 00 00 00 عن الحاضر عن الغايب عن الفقدان واسبابه
وحرّك كل وجداني بكى صوتي وبكت العيون
00 00 00 00 00 00 صرخ حتى الجهاز اللي يصبّرني على غيابه
أنا مالي سوى رسمه سوى صوته يفيض فنون
00 00 00 00 00 00 يطربني نغم صوته يمتّع عينـــــي كتابــــــــه
وأنا عنّه بعيد أبقى غريب اف دنيتي مسجون
00 00 00 00 00 00 ترجّيت القدر خذني على غيمه على سحابـة
وودّيني إلى الغالي إلى محـّرق إلى دلمـون
00 00 00 00 00 00 وحشني كل ما فيها وحشني السّيف وترابـــه
وتعذرت بحكي فارغ غصب عني اقول شلون
00 00 00 00 00 00 غديت بعيد عن عينه خذاني الوقت وحسابـه
أبوي الدنيا بوجوده عساه يعمّـر المليــون
00 00 00 00 00 00 عساه بصحةٍ دايم وعسى الونّات كذابـــــــــة
وسمّيت الولد باسمه محمد يشبهـه مزيـون
00 00 00 00 00 00 يفيض الطيب من قلبه ويشع النور من بابـــه
تراه أغلى من الدنيا وجوده كل شيء يهون
00 00 00 00 00 00 احبه واشهق باسمه وكلّي يبـدي إعجابــــــــه
حبيبي الغالي إسنادي وأنا له في النوايب عون
00 00 00 00 00 00 أنا أهله أنا ماله أنا أحبابه أنـا أصحابــــــــــه
يحاتيني رغم شيبي يحمّلني غلاه ديـون
00 00 00 00 00 00 وأبقى في نظر عينه وديع اف عالـمٍ غابــــــة
يعاتبني يكلمني واحس بكلمتــه قانـون
00 00 00 00 00 00 ومهما تكبر سنيني أضل صغير وا هابــــــــه

بارك الله فيك 00