السلااااام عليكم ورحمة الله وبركاته ….
اش رايكم بنات كل وحده تعلمنا على الخلطات اللي تحطها لشعرها وتجاربها لبعض الخلطات يعني شلون ضبطت ما اضبطت عشان نفيد ونستفيد ….ارجوكم رجاء حار انكم تشاركون مشاركاتكم الحلوه اللي تثلج الصدر … ok ؟؟
انا ابدى انا كلش اخبص بشعري يعني مااخلي ولا ابقي طبعا كلش احطه مع الحنّه ….
بس جربت البيض احطه مع الحنّه ولا الحاله طلع يعطيني نتيجه سلبيه يكسر شعري والليمون اذا كثرته برضه يعطي نتايج سلبيه عشان كذا >>>قامت تفلسف على بالها خبيره
المهم صرت احط منه نقيطات ….
العسل جداً روعه ونتايجه سريعه مع الحنا احطلي ملعقة منه ….
الزبادي ملعقتين وتراه مره رهييييب..
وش بعد ياربي…مممممممممممممممـ….
ايه تذكرت انا اخلط حنتي بالزيت ولا احط نقطة مويه عشان ما يجفف الشعر و اسرع لي لان الاغلبيه اليوم اللي بتحط الحنه فيه تقال حرب وجهاد وتعب لكن انا شلون …اخلط الحنّه بالزيت وافضل زيت الزيتون دائما واحط معه كل انواع الزيوت الباقيه عندي …الازيت السياره طبعاً
المهم احط كل خبوصي مع الحنه واخليها مدة 3او4 ساعات بعدين احطها براسي لمدة 3او4 ساعات وبعدين اغسل الحنه ولا احط زيت لان المعروف دائما نحط الحنه وبعد مانغسلها بالمويه بس نحط الزيت لكن انا مختصره السالفه ….وشكلي طولت بهرجي المهم ابي اشوف مشاركاتكم الحلوه لاتبخلون علينا ولا تحرمونا منها يالله انتظركم …..
وتسلمون لمحبتكم دائما …
النجلاء..
هلا اختي اسرة مشاعر شلون مايعجبنا بالعكس قلتي شيء ماعرفه وهذا شي فادني والله ..
بس لي سؤال وشو الودك ماعرفه وتراي مااضحك عليك والله تراي ماعرفه …
المهم انا فدتك بشيء عزيزتي اسرة مشاعر..؟؟
وتسلمينلي على الرد الحلو منك…
سلمتي لمحبتك …..
النجلاء…
بصراحه انا ما جربت احط خلطات زيوت على شعري اجرب احط زيت واحد يعني نوع واحد
احيانا زيت الجرجير ونتايجه والله حلوه
بس وبعدين صرت طماعه وقلت اجرب زيت الخروع وبصراحه عادي ما حسيت تغير
والحين انا استخدم زيت املا بس ترى اللي تستخدمه انصحها تنعزل في غرفه لوحدها
تدرون ليش؟؟
اللي تبغى تعرف تشتريه وتجربه وتعرف ليش
وبصراحه الحين قررت استخدم وصفه من احدى الاخوات في المنتدى
قالت لي احط زيت خروع مع زيت جرجير واطحن حلبه معاها واستخدمه تراه زين للشعر
بالنسبه للحنا يمكن حطيت مره او مرتين في حياتي
وتوبه..وانا الحين في انتظار خلطاتكم على احر من جمر عشان اجربها كلهاااا
وانا عندي خلطة حنأ بالمرة ممتازة وجربتها على شعري وطلع يجنن وهي طبعا حنأوسدر وكركديه وقشر رمان وما الثوم وشبعد ياربي …..وشاي وونسكافيه اظاهر انه بس هذا وانشالله اني مانسيت شي وبصراة والله جربته بشعري وطلع بالمرة يروع وناعم والمقادير على حسب رغبتك
إنشالله تعجبكم الخلطه. بالنسبة لشعر انا كنت قبل سنه اهتم فيه كثر تقريبا مافيه شئ ماحطيته في شعري…لانه كنت يوم اني صغيره شعري مرره ناعم بس الله يقطع الصباغات اعدمته فاقلت…لازم اهتم فيه وفعلا لما اهتميت فيه طلعت نتائج حلوة وش كنت اسوي…كنت استخدم عشبة السابله والماسكه وساق الحمام مع 3 انواع من الزيوت واحطه في شعري …هي هذي الاعشاب حلوة لشعر ولكن..عيبها انها غثيثه…يعني ثقيلت دم,,وتوسخ لان فيه منها عشبه لونها احمر…جربتها كم مرره وطلعت نتيجة حلوة ولكن انا كسلانه وتركته بعدها استعملت خلطه ثانيه هي الرهيبة من جد…الي هي اني الحناء اقو الخلطه بهذي الخلطه اني اجيب اوراق الجرجير…وخيراتين او ثلاثة ومجموعة زيوت,,وكم فص ثوم واخلطهم في الخلاط وبعدها تصير سائله واخلط به الحناء..والخيها 6-8 ساعات وبعدها اخطها في شعري 3 ساعات وبعدها اغسل الحناء بالماء بس وبعدها احط زيت…وبعد كم ساعه اغسلها عادي هذي نتائج كويسه..بس انا تركته الان الشيطان جاءني مره ثانيه وسوس لي اني اصبغ شعري والان انا صبغته….وتركت شعري صرت بس احط فيه زيوت عاديه بس…..وسلامتكم
بصراحة والله انبسطت وفرحت ان الموضوع جازلكم ومشاركاتكم تسوى عندي الدنيا كلها عاد يالله نبي مشاركات ثانيه والعالم وينهم مختفين ؟؟…
وياحبيلكم خواتي شوق وجوان ومها …وبصراحة خلطاتكم شكلها روووعه ..وانشاء الله اجربها بس الكسل متى ياربي بس متى اجرب …بس عشان خاطر عيونكم شكلي بعجل….
اقول اخت مها على..قولت اخوانا المصاريه الئلوب عند بعضيها..
فكرة البشره كنت بعد بحطها بموضوع ثاني بس يالله عشان خاطرك خليناه لك وحطيها انت ..ومشكوووووورين على الردوود اللي تثلج الصدر …
بقولكم على حاجه احطها الحالها بس ما تضحكون تعرفون الماينييز اكيد تعرفونه المهم اخبصه على شعري وادهن به شعري مثل الكريم وادعك به فروة الراس هذا اهم شيء اخليه نص ساعة او ساعة وبعدين اغسله …
صديقتي شعرها عادي مو مره ناعم المهم لاحظت انه مختلف ونعم وصارله لمعه سألتها وش السر قالتلي الماينييز رحت علىطول البيت وحطيته بعدين دخلت على اهلي قاعدين مستانسين جلست عندهم شوي مادريت الاالعالم كلها فاركيين تقال صاروخ كيماوي صابهم دقايق والغرفه فضيت ومافيه الا انا
السبب ريحة الماينييز عاد الله لا يوريكم بعد ماغسلته قمت ادور على البيت كله ابخره طول اليوم 
وشعري يومين الزقت الريحه فيه مايشمها الا انا غسلته اكثر من مره لكن الشكوه لله مافي فايده عاد تدرون الحين كل ما مسكت علبه الماينييز كلن يحبحب على راسي ويقول تكفين لا تحطينه …شكلكم الحين منتم مجربينه صح
بس بصراحة نتائجه فتاكه انصحكم جربوه …
أختي أقول لك تجربتي وان شاء الله تستفيدي منها …..
الخلطة مكونــــة من :
صفارة بيضة +زيت زيتون+كولونيا….وطبعاً الكولونيا عشان ريحة البيض …
وتوضع هذه الخلطة قبل غسل الشعر وهي تصلح للشعر الجاف ….لكن بصراحه رهيبة..
الشيماء