أوّلا.. كل عام وأنتنّ جميعاً بخيييييييييييييير 
( بدري )
الموضوع… إنّي كم مرة أقرأ هنا بالمنتدى… والمنتديات الثانية عن ( الكثيرا ) ومفعولها السحري على الشعر وتكثيره ….
لذلك قرّرت إني أشتريها وأجربها… لا سيما إنها شي طبيعي ( يعني إذا ما نفع ما يضر ) 
وفعلاً اشتريتها…وسويت بحث في المنتدى علشان أعرف تفاصيل استخدامها !!!!
مبدئياً … اشتريت ربع كيلو بس… من الكثيرا اللي لونها أبيض… وهي تشبه الأظافر الطويييييييييلة.. ونقعت منها مايقارب ملء قبضة اليد أو أقل شوي..و غمرتها بالماء الدافئ اللي يغطيها…لكن ما مر ساعة إلا هي شربت الماء…وأنا أزيد…لين ما حطيت تقريبا كوبين ماء 
وتركت لين ثاني يوم ( حوالي 12 ساعة ) …لكني لقيتها جامدة….كأنها كريم جليسوليد
وصراحة أنا الحين حطيتها بشعري وقلت أستشير أهل الخبرة !!
سؤالي : ( قلتي قصة حياتك وحياة الجيران وتوك ما سألتي !!
)
** كم الكميّة اللازمة في كل مرة من الكثيرا والماء …. لأن الكمية اللي سويتها كانت كثييييير أحسها انتفشت…. يعني أنا حطيت بشعري وبقى كثييييييييير ( أنا شعري نازل عن كتوفي وكثافته عادية ) ؟؟!!
** إذا زاد معي ممكن أحفظها في الثلاجة وأستخدمها مرة ثانية ؟؟
** هل هي راح تتعبني علشان تنظف من شعري لما أغسله ؟؟!!
** وشلون تكون كثافتها … يعني زي الكريم ولا زي الجل ؟؟!!.. يعني ثقيلة ولا خفيييفة ؟؟!!
** أنا قرأت تحقيق كامل عنها هنا بالمنتدى ..لوحدة – ما أذكر اسمها… الله يجزاها خير -… كانت مسوية لقاء مع العطارين عن الكثيراااا… وكانوا يقولون إن إذا تبين التكثير لازم تفركين بها منابت الشعر… وأنا كذا سويت…بس ما أدري لازم أحط من تحت ؟؟
** وبعدين لازم أغطي شعري بطاقية أو عادي أتركه مكشوف ؟؟!!
** وأخيرا ….أتمنى إن اللي جربتها تقولي هل فعلا نتيجتها سحرية….. ووش حست بعد شهر من استخدامها ؟؟
وشكرا لتجاوبكن ( مقدّماً )……وآسفة على الإطالة……وإن شاء الله نخدمكنّ بالأفراح !!!
معقول ما لها إي آثار جانبيةو على الشعر…. يعني ما تغير لونه مثلا؟؟؟
أنا قرأت إنها ممكن تجفف بعض أنواع الشعر …. لكن بس في البداية …. لكن ما فيه سلبيات غير كذا ؟؟
ما أدري أنا ما حبيت أخلط معها شي لأن شعري دهني !!! … طيب لو أبي أخلط زيت يكفي ملعقة وحدة ؟؟!!
** وبعد عندي سؤال … من وين تلاقونها في الرياض… أنا لقيتها عند محل.. الكيلو بــ 200 ريال…
*** وسؤاااااااااال مهم.. أنا أعرف إن لازم تحطينها والشعر نظيف… يعني يكون مبلل ولا بس نظيف عادي ؟؟!!!
************* دارية الأسئلة كثيرة ….. بس الحاجة أم الاختراع .. <<— وش دخل هالمثل 
************************************
بصراحة استعملته لفترة بعدين بطلته..
في البداية كنت اخذ كمية صغيرة "قفشة يد" زي ماتقولي واحطه بوعاء واخليه عدة ساعات لغاية
مايصير مثل الجيل..
بعدين صرت احط الكثيرا في صحن واضيف شوية ماء مغلي واقلب بالملقعة..وازيد كمان شوية
ماء واقلب بالملعقة..وهكذا لغاية ماتلاحظي انه مايعود يقبل ماء زيادة..ويصير قوامه لزج
مثل الجيل..وتقدري تخليه كمان شوية يعني كدة خمس دقايق عشان تشوفي اذا تحتاج ماء زيادة..
بالنسبة لي..استعملته لفترة..بس كنت احس انه شعري ناعم بعد ما اغسله..هو اصلا ناعم بس
قصدي اني ما كنت احسه متشابك وكدة..بس حسيت بعد فترة من استعماله ان شعري صار
غير الاول..يعني صار منفوش مش هابط زي الاول..لاني كنت قبل ما استعمله احسه سايح
ويمكن اخلي الغرة على جنب..لكن بعد كدة صرت احسه انه ينتفش شوية..فاهمة
عليا ؟؟
المهم..ماطولت انا نظرا لانشغالي وبدء الدراسة..بس حبيت اقول لك عن تجربتي..ويمكن اني
ارجع استخدمه..
اه صحيح نسيييييييييييييييت..لما رحت اشتري الكثيرا..قال لي العطار انه في طريقة تطلع
الشعر بثلاثة ايام..اني اخلط الكثيرا مع صفار بيض وحلبة..بس انا ماجربت الموضوع..فياريت
اي وحدة سمعت عن هذي الحكاية انها تقول لنا..
بس
*********************
وفي منها طرق كثيرة منها:-
تنقع عشبة الكثيراء في ماء ساخنة لدرجة الغليان وأتركيها يوم كامل وفي اليوم التالي ضعيها على شعرك ودلكي فروة رأسك جيدا وتوضع منشفة على حسب الرقبة لمدة 4ساعات.
وتوجد طريقة أخرى:-
تستخدم الكثيراء البيضاء للشعر وتوضع الكثيراء في ماء لمدة أربع ساعات ثم تصفى ويستخدم الماء فقط ويكون شكله كالجل يوضع على الشعر مع اي حمام كريم (منقووول )
*******************
هذا الي اعرفه ……وأنا أستخدمتها ……
لو أعرف شي جديد ..راح أقولك …..
وعذرا على التأخر في الرد …
تحياتي للجميع ………
أختكم / همس الليل *
بس… شلون ما عاد شعرك سايح.. !!!.. انتي شنو نوع شعرك ؟؟ ناعم عادي أو دهني ؟؟!!
وكنتي تستخدمينها بدون زيت ؟؟…
وكم المدة اللياستخدمتيها؟؟ …. وما حسيتي إن شعرك كثر شوي ؟؟!!
أنا صراحة شعري ناعم دهني ؟؟…
… الله يعطيكي العافية بس انتي كم استخدمتيها … ووش لاحظتي ؟؟
أنا أستخدمتها بدون أي إضافات… بس هل لاحظتي إن شعرك انتفش زي ما تقول الحبيبة ؟؟!!
صراحة أنا ما عندي استعداد يتغير نوع شعري ؟؟؟!!
وسؤاااااااااااال..
وين العطار اللي خذتيها منه جاهزة… وهل هو كا نحاط معها شي غير الموية… وبكم ؟؟!!
ووش يعني (وتوضع منشفة على حسب الرقبة )؟؟؟!!
وبعد… الصراحة أنا حاولت أدلك اللي أقدر عليه…لأنها جامدة شوي ( مع إني كثرت موية النقع )..يعني مو سايلة زي الجل…لأ فيها شوي من جمود الكريم ( يعني بالعربي ثقيلة طينة…ما تدلك كويس ) ؟؟!!
وآسفة على كثر الأسئلة…. الله يعطيكِ مليون عافية