أحببت أن أفتح معاكم موضوع ؛؛ لي كم أسبوع وهو والله على بالي ؛؛ فقررت تشاركوني التفكير فيه ؛؛ واتمنى مايكون موضوعي مكرر عليكم ؛؛ وإن كان مكرر ؛؛ فالاعادة الايفاده << على ماقالوا
موضوعي اخواتي الفاضلات ؛؛
ونحن مقبلين على شهر الطاعات والمغفره ؛؛ شهر التقرب الى الله اكثر واكثر ؛؛ شهر الرحمه ؛؛ شهر العتق من النيران ؛؛ ادعو الله لي ولكم ان يجعلنا من عتقائه يارب العالمين والمسلمين اجمعين ..
في هذا الشهر بعضنا هذا اذا ماكان اغلبنا ؛؛ يصب كل تفكيره على ملابس ومشتريات العيد ؛؛ وانا معاكم ويمكن اكون فوق ماتتخيلون احب اشتري واحب اني مااضيع اي فرصه لي في السوق 
يعني ماادخل محل الا وانا لازم يكون معاي شئ تخيلي 
بس وش الفائده دام هذا اللي بيضيعنا من عبادتنا وتقربنا لله sid
فكرت اني اقضي للعيد من قبل بشهر اوشهرين وتصدقون وفعلاً نفذت هالفكره ياسلام يابنات والله شعور فوق الخيال تحسين خلاص انك قاضيه ومنتهيه ؛؛ وتشوفين اللي حولك شايلين هموم وهواجيس وما على لسانهم الا ( يالله قرب يجي العيد وحنا ماانتهينا يالله متى بنخلص ) وغالباً مايكون هالكلام في العشر الاواخر؛؛ في العشر اللي فيها العتق من النيران ؛؛ تصدقون اني مره ارتحت والحمدلله ؛؛
فا وش رايكم بعد هالقصه الطوووووووووووويله برائي ؛؛ انتم معاي والا ضدي ؟؟؟
ياليت نتكلم اكثر عن هالموضوع ؛؛ وياليت نتكلم بعد عن كل شئ جديد نزل بالاسواق هالايام والماركات وش علومها بعد ؟؟ وش رايكم ؟؟
أنا معك
واحنا نسوي نفس الطريقة
والحمد لله في رمضان مانطب ولا ندش السوق أبدا
لأن أمي حالفة ماتدخل معنا السوق برمضان
فغصب عنا نسوي كذا
لكن والله راحة واستغلال لشهر الخيرات في الطاعات
وبعدين اذا شريت لبس البسه قبل العيد
بس والله هالسنه ان شاء الله ناويه اسويها
بس حسبي الله عليهم بهالاسواق طايحين بالعاري في البلايز والقصير بالتنانير
مع اني شريت لي تنوره حلوه حلوه من مانجو طويله وفيها حزام شك شكلي بخليها للعيد وبدور لي معها بلوزه حلوه
طبعا هذا الى جانب الجلابيه وهالمره منيب شاريتها من اليشمك بشتريها من محل يجنن بالسويكت اسمه ملامح شرقية احس جلابيته حلوه وبناتية ,,
جزاك الله خير اختي صبا نجد 
وياريت كل الناس يفكرون مثلك 
ومادام فتحتوا سلافة رمضان والعيد ؟؟؟؟
حبيت اكون اول وحدة تقولكم {{ كل عام واتنم بالف خير }}
وان شاءالله يتقبل منا صيامنا وقيامنا ودعانا ويجعلنا من العتقاء من النار
اللهم امين امين امين
والله يطول لكم في عمر الوالده يارب ؛؛ من جد الواحد يرتاح مره برمضان من المقاضي
واشكرك على ردك
يااختي ماشاءالله من جد اسمك مره روعه ^^ أكابــر ^^
بس والله مره ضحكتيني 
تلبسينه قبل العيد ليه طيب انتي اشتري واخفيه عن ناظرك ؛؛ لاتخلينه بالدولاب نصيحتي 
وتنانير بصراحه مانجو مره فضيعه وبرمود بعد تنانير روعه ؛؛ والبلايز العاري تدرين مره تعجبني ليش تقدرين تستغلينها بكذا قطعه يعني اشتري العاري كانه **بدي ** وبعدين طقمي عليه كذا بلوزه والله تطلعين خطيييييييييره ؛؛ انتي عارفه انا مستحيل اشتري بلوزه والبسها على طول كذا ؛؛ لاني على يقين تام اني بصادف كذا وحده مثلي ؛؛ علشان كذا احاول ادمج كذا بلوزه مع بعض >>> ماتلاحظين **ادمج ** حسيت اني بشرح درس في الفوتوشوب
والاكسسوارات اللي بالبلايز يالله مره تعجبني ؛؛ يااختي احب التركيب مره ؛؛
على العموم ياقلبي اشكرك لمرورك معاي
والله يعطيك العافيه
وانتي بالف صحه وعافيه يارب
الله يهدينا ويثبتنا يارب
واشكرك على مرورك معاي ؛؛
تحياتي لك
كل مرة أقول أبغى أشتري الأشياء بل رمضان بس ما ينفع 
هنا مشكلتنا انه التنزيلات والأشياء الحلوة تكون على شهر 8
وغالباً يصادف رمضان لكن السنة هدي لا.. ومع كدا مو شايفة
الأسواق عندنا مشعللة كالعادة في هدا الشهر 
الآن لنفسي اشتريت كم طقم وكنت زي اكابر البسها قبل العيد
وبسبب الحمل صرت اتفرج على الأطقم واتحسر 
استنى
متى يجي العيد حتى البسهم 
لكن برضو لااااااااااازم تبقى أشياء اشتريها في رمضان
بس عارفين عندنا الأسواق سواء في رمضان ولا مو رمضان تقفل
الساعة 9 أو 9 ونص بالكثير يعني يمديك المغرب تكوني في البيت 
راااائعه… موضوع يستحق التثبيت..
راح أثبته وأرجع له لما أفضى بإذن الله….
فهذا الموضوع يؤرقني كل سنه..وبعلمك بالسبب في ردي المقبل بإذن الله…فانتظريني.
وأتمنى البنات يتفاعلون أكثر…ونحاول نفيد بعض باسماء المحلات ..والأشياء الحلوة فيها وعلى حسب المناطق..
لي عودة أذا أراد الله