المقادير
– 2كيلو كروفيط، -2كيلو ميرلان، -كيلو و نصف كلامار، -350غ فرماج أحمر محكوك، -250غ شعرية صينية، -250غ البصلة، -شوي المعدنوس، -750غ الورقة، -نصف كأس الحامض، -4ضرس الثوم، -250غ الزبدة، -ملح إبزار لهريسة، -2معالق صغار الصوجة.
الطريقة
الحوت:
الكروفيط: نقيه و ضعيه في مقلاة فوق النار زيدي عليه الملح شوي الزبدة إبزار شوي البصلة محكوكة لهريسة وشحريه ملي ينشف زيدي عليه الحامض معصر و طفي عليه.
الميرلان: غسليها مزيان و فوريها في الكسكاس ثم قشريها ونقيها من الشوك و الجلدة و رشيها بالحامض و الملح م الإبزار.
الكلامار: غسليه مزيان قطعيه دواور زيدي الملح الإبزار الزبدة وصلقيه حتى يطيب و صفيه.
الشعرية الصينية: ضعي معها 2 ضروس الثوم مقشرين و كبي الماء طايب ثم صفيها و قطعيها مع الثوم.
شلضي باقي البصلة غليظة و شحريها في مقلاة مع الملح الإبزار ملي تنشف زيدي لهريسة و المعدنوس مقطع رقيق ديهم و جيبيهم ثم طفي بعد ذلك حكي الفرماج و أخيرا ضعي الورقة مدهونة بالزيت جيدا ضعي أولا الشعرية ورشيها بالفرماج ثم طبقة الميرلان ورشيها بالفرماج الكلامار ورشيها بالفرماج ثم الكروفيط والفرماج و غطي بالورقة المدهونة ثم دهنيها بالزيت مزيان و دخليها للفرن الساخن النار عادية.
يمكن أن تعوضي الميرلان بأي نوع من الحوت الأبيض.
بصطيلة بالدجاج و اللوز 12 شخص
المقادير
– 2كيلو دجاج، -750غ حتى كيلو اللوز مصلوق مقشر ناشف مهرمش، -كيلو و نصف بصلة، -8بيضات، -شوي -الملح -الإبزار -القرفة عواد -معلقة الحامض محكوك -شوي القزبور والمعدنوس مقطع -سكين جبير السمن زعفران، -750غ الورقة، -شوي القرفة مدقوقة -سكر كلاسي، -100غ زبدة -الزهر -الزيت.
الطريقة
غسلي الدجاج قشريه قطعيه أطراف صغار ثم زيدي عليه الملح الإبزار سكين جبير الزيت البلدي قزبور معدنوس الثوم البصلة مشلضة خرقوم محكوك الحامض السمن القرفة عواد ثم ضعيه فوق النار يطيب و يتشحر النار مهيلة من بعد خذي الدجاج و عواد القرفة وخلي التشرميلة زيدي البصلة مقطعة صغيرة وديها وجيبيها في ليدام زيدي عليها قطرة الماء وخليها حتى تنشف ثم هرسي عليها البيض واحدة واحدة في وسط الطنجرة فوق التشرميلة النار مهيلة حركيه حتى يرجع أطراف. أما اللوز بعدما طحنيه زيدي عليه الزبدة أطراف نصف كأس حتى كأس الزهر شوي السكر كلاسي القرفة مدقوقة و دلكيه.
دهني الطاوة بالزيت و ستفي عليها قليل من الورقة ودهنيها مرة أخرى بالزيت وضعي فوقها الشرمولة ثم الدجاج مقطع طريفات صغار مرة أخرى الورقة و دهنيها بالزيت ثم اللوز مهرمش ثم الورقة مدهونة بالزيت و أخيرا جمعيها مزيان و دهني بالزيت ودخليها للفرن هي تطيب و أنت تدهني.حتى تنضج.
بيتزا بفواكه البحر
المقادير
– لاباط: -500غ دقيق، -بيضة، -نصف كأس زيت، -3معالق كبار لكريم فريش، -نصف معلقة الخميرة، -كأس الحليب، -قرصة الملح.
– الحشوة: -كيلو مطيشة، -إبزار ، -ملح، -500غ كروفيط منقي، -500غ كلامار مقطع دواور، -حك صغير الفكيع، -150غ فرماج محكوك، -نصف معلقة صغيرة الزعتر.
الطريقة
بسبسي الدقيق بالزبدة و لكريم فريش زيدي البيضة الملح الخميرة و جمعي بالحليب، خليها ترتاح. قطعي مطيشة و شحريها مع الإبزار الملح و الثوم زيدي الكروفيط والكلامار مصلوق في الماء الملح الإبزار الثوم و الزبدة ثم عمري لاباط ودخليها للفرن الساخن النار عادية بعد ما تطيب زيدي الفرماج من فوق و دخليها مرة أخرى للفرن مدة 5د.
فهي لغتنا في الاصل
وكثير من الاخوات لايتقن الغة الفرنسية كي يعرفن ان المقصود هو المطبخ المغربي
ورجاء حار ان تنزلي المواضيع في اقسامها الخاصة بها
مثلا هذا الموضوع مكانه ركن الاطباق الرئيسية..
مع الشكر
آسفة لأن ردي متأخر شوية
والله نفسي في بسطيلة بالحوت لأنني أحب كل أنواع السمك وأحب أشوف وصفاتك أكثر ماشي شكرا يا حبيبتي
لكن احب أن أضيف لك وكما جاء على لسان المشرفة الكريمة أن لهجتنا المغربية مختلطة بمصطلحات فرنسية وكما تعرفين أن هذا الركن عالمي وله مشاركات من كل دول العالم وخصوصا الدول العربية الشقيقة المعروفة بأطباقها الجميلة أيضا ومصطلحاتها الشرقية حتى أنا أختي أحاول أن أبسط أكثر مصطلحات باللغة العربية وأبحث لأعرف المرادفات الأخرى كما عندهم
فمثلا قدمت اسم ( لكروفيط ) إنه الجمبري المعروف عربيا وكذلك أسماء السمك مصطلح (شلضي ) وهو أفرمي و(لاباط) وهي العجينة المعمولة حسب مقاديرها فمثلا عندنا الكفتة وهم يقولون اللحم المفروم وهكذا ……
لهذا أختي أطلب منك أن تتقبلي ردي ومفيش من زعل ماشي شكرا حبيبتي
وأتمنى أشوف من اديك الحلوين وصفات مغربية إن شاء الله
أحتك المغتربة من مراكش الحمراء 
جعله الله في ميزان حسناتكم
شكرن فرولة على هاد الوصفات
كنحمق اعلى البسطيلة د الحوووت 
اختك سندرلا المغرب من طنجة
viva maroc 