الرد ممكن شوي متاخر، بس هلا دخلت المنتدى
لـ buttermilk هو المخيض وموجود بالاردن كتير من شركة حموده والسنابل وهيك وموجوده ب سي تاون وكارفور ومش غالي كتير. وممكن استخدامه في البان كيك والكيكات لانه بيعطي طعم طيب
وممكن كمان تعملي بديل له من عندك بالبيت ( لكوب واحد buttermilk -( كوب حليب دافي + 1 م ص عصير ليمون او خل ابيض ) ويترك مغطى لمدة 5 دقائق .
لـ sour cream (السور كريم ) موجود كمان بالكارفور بالتلاجات عند الكريما واللبن بس مش رخيص ، وكمان موجود بالسيفوي .
له بدائل :- لكل كوب سور كريم
1 – كوب لبن زبادي ( رائب )
2 – 220 غم(كوب الا ملعقة طعام ) من اللبن الزبادي او المخيض + ثلث كوب زبده ) ويخلطوا مع بعض جيدا .
3 – كوب حليب مركز ( evaporated whole milk ) مثل لونا او كرنيشين او ابو قوس + م ص عصير ليمون .
4 – وممكن عنا في الاردن لبن زبادي بالقشطة موجود كتير وبكل المحلات او السوبرماركتات انا جربته بيكون بديل منيح كتير
ان شاء الله اكون افدتك
تحياتي الك
ام حمزه
البتر ميلك ما بعرفه الصراحة .. ومتلك بتابع فتافيت
لأنك أفدتيني وصار لازم روح وأشتري الأغراض منشان ابدأ أعمل أحلى الكيكات والحلويات وانشالله بصور أعمالي وبنزلهم بالمنتدى منشان أفيد الجميع مثل ماأفدتيني 
ألك مني كل الحب ياكل الحب على اهتمامك وشكرا عالتواصل