انا عارفة ان الاكلة دى سهلة و مش محتاجة موضوع و شرح
بس بجد طلعت حلوة اوى الحمدلله فقلت ادوقكم
نبدأ بسم الله
المكونات
بيض
شوية زيت
بصل مقطع صغير او مفروم (انا بحبه مفروم)
مشروم مقطع
بقدونس مقطع صغير
فلفل رومى مقطع صغير
جبنة موتزاريلا مبشورة
طبعا المكونات دى اختيارى حسب ذوقك يعنى ممكن تضيفى كمان طماطم او زيتون بس انا ماكانش عندى
ملح و فلفل و رشة قرفة
الطريقة
جطيت البصل و معلقة زيت و رشة قرفة على النار
شوحت البصل شوية و بعدين ضيفت المشروم و قلبتهم شوية على النار
طفيت النار و ضيفت البقدونس و الفلفل الرومى و الجبنة
كسرت البيض فى طبق و حطيت له الملح و الفلفل و خفقته بالشوكة او بمضرب سلك
ضيفت عليه كل المكونات و خفقتهم كويس
حطيتهم فى صينية مدهونة بمعلقة زيت و دخلتهم الفرن
بعد شوية لما بيستوى الجزء اللى تحت قلبتها عشان تستوى كلها و رجعتها الفرن تانى
شوفوا بقى لما طلعت من الفرن بقت عاملة زى البيتزا
و بصراحة لما اتقطعت كان شكلها رائـــــــــــــــع بس مالحقتش اصور القطع لاننا كنا جعانين اوىىىىىىىى
يالا تعالوا شوفوا الصورة و قولولى رأيكم
يعني اومليت روحي علي عنوان اسمه مهرجان بالالوان اول ما تفتحي قسم المقبلات 
كتبت بواسطة cliopatra 
الله يسلمك يا كليوباترا
كتبت بواسطة amani1 يعني اومليت روحي علي عنوان اسمه مهرجان بالالوان اول ما تفتحي قسم المقبلاتالف شكر يا امانى
ان شاء الله لو كسبت بالمسابقة ليكى عندى هدية
جزاكى الله خيراااااااااا
يعطيك العافيه