تعودنا ننام لساعه متأخره شوي ونسهر واللان كل هذا راح وبدا النظام من ثاني غدا المدرسه والقيام باكر . اكيد ساعة غضب كل ام من اولادها تقول امتى تيجي المدرسه وهم هاديين وحلويين مرتاحه معهم بها يساعدوها بدها العطله تطول شو بتقولو اتتوا …انا من جهتي بحب النظام لذلك ارى النظام في ايام الدراسه الكل بالعمل والمدارس البيت يترتب يأتون يأكلون يجلسوا امام التلفزيون ثم الوظائف وهيك بمر اليوم بدون فوضى وبنفس الوقت اقول بالعطله في راحه ومساعده منهم اكثر ونوم الصبح اكثر
أنا طاااايره من الفرحه بهالنظام…
يختي تعبنا من السهر واللخبطه..والحوسه…
أبغى ارجع للترتيب والهدووووء….
تسلمين حبيبتي على الموضوع الحلو..
الله يعينكم يا امهات
بس والله النظام احلى.. بشوف الناس كيف بالعطلة بتنقلب حياتهم فوقاني تحتاني .. بس الصراحة.. احنا بايام العطلة امي الله يسعدها ماااااا كانت تسمحلنا نسهر و لا ننام اكترمن الساعة 9 الصبح … عشان هيك ما كنا نحس بالفوضى بالعطلة … بس معظم اللي شفتهم هالفترة نهارهم ليل و ليلهم نهار ، اكيد بدهم فترة لحد ما يرجعو للنظام الاصلي
موفقين ان شالله انتو و اولادكم
بارك الله فيك عزيزتى….
انا رأى من رايك ….الدراسة تعنى النظام فى كل شىء….النوم بالليل….الاستيقاظ…الاكل….اداء الواجبات
كل شىء منظم …..وبعد نومهم تكونى براحتك تنجزى جميع اعمالك المتأخرة وكمان فى وقت تقعدى براحتك من غير دوشة ولا كلمة ماااااااما
سلمتى على الموضوع …مع تحياتى لك
ابنتي الصغيره راحت الصبح عالحضانه مبسوطه كثير بس مغمضه ليه؟؟؟؟؟؟؟ لأنه حضرتها نامت امبارح الساعه 12 تخيلو وانا من التاسعه بنيم فيها بس ما نعس بعيونها واخوتها الكبار يتجولو ويحضروا للمدرسه وهي سامعاهم بس شو بدي اعمل هاي الوضع مع تلخبط الأجيال. واللي خايفه منو انها تنام العصر من النعس وتخسر نوم الليل مثل امبارح .قولولي شو بتعملوا مع اطفالكم صعب نبقيهم بعد تعب الحضانه وبنفس الوقت اذا ناموا بالنهار يسهروا ويعودوا بكره الصبح يروحوا نعسانين ؟؟؟؟؟؟؟؟؟؟؟؟؟؟؟؟؟
Dandoon الحمد لله ان طبع والدتك نفس طبعي .. بس بدي أسألك سؤال إيش كان شعوركم لما كانت الماما بتجبركم على النزم في نفس الموعد خلال الإجازة .. لأن أولادي بيعملوا مظاهرة وبيستنجدوا بوالدهم وأحيانا بيرق قلبه وبيقول خليهم وأنا أبدا كلمتى واحدة.. وهذه الشغلة مسببة بعض المشاكل بيني وبينهم .. لا تتأخري بالرد نفسي اعرف الشعور بالضبط.
أم يوسف كل عام وانت بخير .. عدنا والعود أحمد .. بس ليش بتسمحي لبنتك بالسهر وهي في هذا العمر؟؟؟؟
هلا حبيباتي و الله أنا مرتاحة من هذا النظام كله لاني ابني صغير 4 شهور لسة و بيروح معي و بيروح معي بس و احنا في الاجازة امي كانت تسمح كل شئ خاصة أنها كانت تشتغل و الهيصة كانت موجودة هيهيهيهيه
وعود ما رديتي عليّ أنتي من وين في غزة و لا مش حابة تقولي ؟؟؟
إحنا لسه ما بدت مدارسنا
بعد إسبوعين تقريبا …. وأن كمان من رأيك أم يوسف
الفوضى ما بحبها أبدا ….الأمور كلها بتتنظم في المدارس…أول يومين بيكون النوم
والصحيان مشكله شوي ..وبعدين بتزبط .
أنا من رأيي أم يوسف إنك ما تخليها تنام بس ترجع من الحضانه
علشان ما تخرب نومة الليل ..إشغليها باللعب أو أي شيء تاني ولما تصير ليل
على طول عشا وبعدين نوم …. وما بتشوفيها إلا إتعودت على النظام إللي إنت بتحطيه
وتسلمي على الموضوع
وعود حبيبتي
تخيلي انه ما حد كان يجبرنا عالنوم بهاد الوقت
من لما كنا باللفة .. في نظام نوم محدد.. يعني حتى لما كنا انا و دندوش لسا رضع.. خلص نظام نوم من ال8 لل 6 الصبح .. و غير هيك ما في .. كبرنا و احنا موقتين عالنوم الساعة 8 و عمرنا ما غلبنا ماما بالنوم او الاستيقاظ للمدرسة.. اما اخواننا اللي بعدنا .. يااااااااا حبيبي … سهر و نوم بالعطلة للظهر .. على قولة اهلي .. مرارتهم انطفت و بعد هالعمر لقيو انه حرام هالتشدد .. طلعت براسنا بس انا و دندوش 
Dandoon ما شاء الله عليك من يومك مرضية اكيد الماما دائما بترضى عليك انت ودندوش…على فكرة شو اخبار دلوش وينها ما عدنا سمعنا حسها. بتعرفي في الاردن دوام المدارس على بكير .. مرة ابني الكبير بيقول لخالتو انا البارحة سهرت .. اختي صدقت قالت له اي ساعة نمت فقال وهو مبسوط الساعة سبعة ونص .. لأنهم متعودين في الشتا يناموا الساعة سبعة وفي لاصيف الساعة تسعة نص. وعلى الفكرة كاتيا هي الوحيدة حاليا(فقط) التي تشذ عن القاعدة.
دعاء فلسطين: حبيبتي لو بإيدي كنت قلت لك بس قوانين المنتدى تمنع ذكر العناوين .. بس أنا ساكنة في مدينة غزة، وأصلي من جنين بس زوجي غزاوي… آخر قصف استشهد فيه ستة شباب كان قرب بيتي. اكيد عرفت وين أنا.