أولا : هل هذه حقيقة و الا خرافات ؟؟
ثانيا: إذا كانت حقيقة فأنا الظاهر نَفسي مو حلو في الطبخ. صدقوني كل ما اعمل طبخة تفشل لا اعرف هل المشكلة في يدي ؟ او في عدم خبرتي او في سر في الموضوع ، في شي مو طبيعي.
مستواي فقط سلطات لأنها معروف مكوناتها و مضمونة أما في الأطباق الرئيسية أفشل بصراحة.
أنا ألحين صار لي عدة سنوات على زواجي و ليلحين أكلي يلوع الكبد و ما فيه نكهة. هل في أسرار في الطبخ و الا آنا مو طبيعية؟
إلى الكويتيات (لأن ربما أذواقنا متشابهة ) أريد أكلات كويتية مضمونة و لذيذة و إذا كان من زبيريات أفضل (معروف طبخهم اللذيذ). مثال: مكابيس لذيذة ، مرق ، اسرار في طبخ الرز ، صواني بالفرن يعني اطبق رئيسية بس ها تكون فعلا لذيذة و مجربة. ابي مرة أحد يمدح طبخي و يسأل عن الطريقة.
إلى الجميع === أرجوكم أرجوكم أنقذوني بخبرتكم ترى زوجي مسكين كاسر خاطري.أبي مرة يمدح طبخي ماكو.
لا تطنشوني ترى من جد محبطة
شو رايك تختاري طبق معين وانا بساعدك وتعمليه وتحكيلي النتيجة .
وهذ مائه بالمئه كلالالالالام صح
لكن النفس يجي بالتدريب ممكن
اذا طبختي المرق سبكيه كويس وبعد ماتحطين اللحم والبصل والملح والكاري
خليهم يتسبكون وبعدين احمسيهم مع الثوم وبعدين المعجون ولاتكثرين منهوحطي فوقه الطماطم
المطحون+ الخضرة اللي تحبين
وقللي من النار خليها هادئه
وحطي الفلفل الحار
واما الرز لاتكثرين ماءة علشان مايعجن
طريقتنا انا نحمي الزين مررة ونكب عليه الرز بعد نقعه طبعآ ونحط الماء على قدر يغطي الرز بقليل
والله يوفقك
اختي الغاليه …
الصراحة الحال من بعضه…
و انا بعد نفس الشي… بس الله يعافي المنتديات و يبارك لنا بخواتنا اللي ما يقصرون علينا بالمواضيع السنعه…
و على طاري ((الزبيريه)) .. ذكرتيني بيدتي …
و الله فكره … شكلي بسألها …
و انشالله اذا سألتها … بقول لج …
تحياتي
_________
الرق أو المجبوس<<<كسرتي خاطري وصرت اتكلم كويتي
الكبسه أو اي شي فيه لحم أو دججاج
* احمسي البصل بالزيت الى ما يشقر
##ضيفي اللحمه..حركي ..ملح..بهار خاص بالطبخه أفضل
***خلي اللحمه شوي مع البصل الى ما تحسين أن لونها تغير
****اضيفي الطماط..وحركي…ثم الصلصه …
اتركي الخلطه تتسبك………….آخر شي الماء
ان شاء الله افدتك…
كتبت بواسطة غلامور 
بنات شفتوا الاعلان فى الوسيط و808080 وهذه الجرايد فيه اعلان عن جهاز البخار للشعر ب25 دينار انا دقيت قالى انه صينى
اشرايكم اخذه ولا 
انا قلت حتى لو اخترب مو حسافه كنى سويت حمام زيت فى الصالون مع العلم انه مكفول 6 اشهر ويقول الريال انه فى قطع غيار له
