اخواتي في الله :
اني اشتكي من بشرة متعبة ، بصراحه مافيها حبوب بس احس يبقى لها عنايه
والمسامات واسعه .
واستخدم بعض الكريمات بس مااحس فيهم فايدة ..
ساعدوني الله يجزاكم بالجنه..
لااله الاانت سبحانك اني كنت من الظالمين
هلا عيوني
دام ماتعاني من اي حبوب ولا نمش وخلافه الحمد لله
بس ماقلت ِ وش نوع بشرتك ؟
وايش الكريمات الي قلتي تستخدمينها حقت ايش واي ماركه ؟
وان شاء الله نقدر جميعا نفيدك باذن الله 
وياهلااا
بشرتي مختلطه وشبه جافه
والكريمات طبيه مش هذي اللي عليها دعايات..
ارجوووووووووووووو المساعدة.
انا انصحج بالاقنعه الطبيعيه احسن وايد في تعديل بشرتج المتعبه والمجهده وبعد علشان الماسات
وهذي بعض الاقنعه انصحج فيها..
– عصير خيار يدهن به البشره بنتظام يفتح البشره وينعشها ويكسبها نضاره..
– العسل: قناع العسل باضافته الى اللبن وتركه على البشره مدة ربع ساعه ثم شطفه.
-الخميره تستخدم في غلق المسامات وتبييض البشره وذلك بمزج ملعقتين كبيرتين من الزبادي مع ملعقه صغيره خميره ثم توضع على الوجه لمدة 20 دقيقه.
في خلطات وايد بعد اذا تبين بس حطيتلج هذول على سبيل المثال واهما جدا نافعين لبشره المتعبه والبشره اللي مسامتها واسعه…
ولا تنسين ماء الورد بس اول شي حطي ماء الورد بالثلاجه وبعدين حطيه بقطنه ومسحي عليه البشره واهوا بارد راح تحسين في بشرتج انتعااااااااااش مو طبيعي واااايد حلو وطرري هالعمليه كل يوم اول ما تقعدين من النوم رح ترد حيوية بشرتج وتحسين انها نضره باذن الله
أنا بشرتي جافه
كل يوم مرتين (( عسل ملعقه+ روب ملعقه + زيت الزيتون ملعقه))
تطلع البشرة صافيه وتهبل
ولا بعد
بالمكياج ما فيه مشاكل
يعني
لما أحط مكياج يقلون لي شنو حاطه على بشرتك …………….أكيد شاريه كريم جديد
تسلمممممممممممممممممممممممممممين