كيف حالكم ياصبايا
بصراحه انا من زمان وعدت ضرتي الحبيبه وعود الخير
من اول مامسكت هي اشراف المقبلات اني اشارك بوصفه المعكرونه الخضراء وهي صنف يعتبر لاهي سلطه ولا هي طبق…. بتقدري تقولي عنه نوع من المقبلات
او الاطباق الجانبيه العامره 
لكن تاخرت كتير عليها وعليكم
اليوم رح اشارككم بالوصفه لكن وعد بدي وعد من الكل يطبقها
لانها فعلا شهيه ورائعه ومريحه خصوصا من تكوني متاخره على تحضير الغدا
وخفيفه كتير على المعده….. لانه مكوناتها طازجه وخفيفه
اوكي
اتفقنا 
يلا وين الوعد؟…………………………….. 
يكل يوعدني
طيب خلينا مع الصوره وبعد الوعد بقولكم الطريقه 
و يللا هاتي الطريقة و بلاش هالحركات .. عناصر التشويق بكرهها !!
سلميلنا على ضرتك ..
يالله خلصينا الواحد مش حمل مفاجئات
وين الوصفه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لكن وعد بدي وعد
وعد وامها لحسابك ولو ضرتي … تكرم عيونك ..
اوكي
اوكي…. بس بسرعة احسن عيوني طلعوا بره النظارة من شوفة الصورة..
وان ما وصلت الوصفة اليوم ترى الوضع عنا في غزة مكهرب
وبسهولة فيني ابعث لك
ايوه هيك
يعيش التشويق يعيش
المكونات:
نص كيس معكرونه حلزونيه الشكل او حسب مابيحلي لك من شكل قواقع او الوردات الناعمه
1 ضمه بقدونس مفرومه ناعم جدا
1 معلقه زعتر بري اوريجانو
قليل من الشبت الناعم للنكهه فقط
بصل اخضر ناعم جدااااااااا مفروم مع الورق الاخضر الخاص فيه
ورق ريحان اخضر ومفروم ناعم جدا
1فنجان صغير من زيت الزيتون
ملح وقليل جدااا من مكعب الماجي
بهارات اعشاب حسب المتوفر عندك وممكن تستغني عنه لو مافي
جبنه رشه خفيف وحسب الرغبه ممكن تستغني عنها
صنوبر مقلي للتزين
الطريقه
سلق المعكرونه بالطريقه المعتاده في الماء والملح وتصفيتها وغسلها جيدا بعد السلق
حضري طنجره حفتها مش عاليه او مقلاي غويطه شوي… حمي الزيت الزيتون واضيفي له البقدونس والريحان والشبت وبهارات الاعشاب والبصل الاخضر المفروم جدااااااااااااااااااااااا ناعم قلبهم ودبليهم مع بعض مضبوط واضيفي لهم الملح وقطعه صغيره من مكعب الماجي لحد مايتدبلو ويتجانسو مع بعض… وصبي عليهم مقدار كوب ماي صغير …
ثم اضيفي المعكرونه تدريجياً ….شوي شوي لحد ماتضيفي كل الكميه واستمري في التقلب مشان يتمازوجو وتتغطي المعكرونه بالخضراوات
وغطي الطنجره وخليها تغلي غلوتين فقط حتى تتبخر كميه الماي
اما الجبنه حسب رغبتك تضيفيها او لاء… انا لقيتها اطيب بدون جبنه ببين طعم الزيت والخضرا اكتر……
هلاء صبي المعكرونه في صحن التقديم وانثري الصنوبر على الوجهه للتنزين مع بقدونس اخضر….
وتقدم بارده يميميمي مع سلطه لبن روب
سهله صح وطيبه كتيررررررررر
خفت من شوية قنابل وديناميت..
لك تسلمي لي يا قمر منور..
خلاص راح اعملها الخميس على العشا.. بس ما في بصل اخضر… بلاه مش ضروري..
شعنونة المنتدى … ضرتي من الخوف نسيت تسلم علي.. بس سلامك وصل لقلبي ..
بس ما عندي كل الأغراض .. يللا مش مشكلة بعملها لما أرجع من السفر
وعووووووووود .. شفتي .. الخوف عمل عمايله .. فعلا الوضع في غزة مش كتير بيطمن .. الله يستر
خضرا حمرا .. بحبها في كل الاحوال
حزر فزر شو يللي بحبه في كل الاحوال
مكرونة طيف
وهيك صار بدي صحن ابعثيه بمسج …