وانا كبرت واتزوجت والى الحين احب خرابيط ابو ريالين ماعطاني الله حب الطبخ ولا المطبخ………….عندي كذا سؤال اللي تجاوب على اسئلتي كامله اقولها من الحين قولي امين عسى الله يفرج كرباتك كلها دنيا واخره ويسعدك ويرزقك زوج صالح ما يقولك الا سمي وابشري واتفضلي وان كنت متزوجه الله يجعلك اجمل النساء بعين زوجك واقربهم الى قلبه من امه!!!!!!!!!!!!!!!!!!!!
1_ انا مشكلتي الكبرى في العجن انتم تكتبون مقادير العجينه وبس ماتقولون لازم تصير لينه او قاسيه وكانها شفره بيناتكم !!!!!!!! متى لازم تكون لينه ومتى تكون قاسيه ؟
2- انا لما اعجن اتعب وانا اقلب العجينه وتتلصق في ايدي هنا ايش اسوي اضيف دقيق ولا ايش واذا اضفت دقيق متى اتوقف وينفع احط زيت لما تتلصق ( انتبهوا هذا سؤالين)!
3-احيانا اعجن اي كلام وتمشي العجينه معاي وتختمر كمان بس لما احطها في الفرن بشكل (اقراص بيتزا صغيره مثلا) تكون الحوايف يابسه ليييييييييش؟ هل لان عجني غلط؟
4- اشتريت عجانة مولينكس لكن ماعرفت كيف استخدمها (يعني مااعرف متى اوقفها) وهل احط المقادير كلها مع بعض لاني لاحظت انه احيانا توقف وماتتحمل (زي حركات الخلاط)!
5-لما اعجن اي شي لقيمات مثلا واقليها يصير طعمها طعم زيت تتشرب يعني لييييييش؟ مع اني استنى لحد مايدخن الزيت هل فيه درجه معينه لحرارة الزيت او ان المشكله في العجن او لاني من زمان ماغيرت الزيت ؟
ارجوكم جاوبوا على اسئلتي والله مليت ماادري ايش اسوي عشا لزوجي لا ورمضان جااااااااااااااااي الله يعيني على المطبخ ويعينه علي .
الهم بارك لنا في شعبان وبلغنا رمضان
بالنسبه للعجينه لينه اوقاسيه يعتمد على نوع المعجنات وعلى كمية الزيت فيها مثلا البف والفرني بتكون قاسيه ومتماسكه
هذه مثلا عجينة الفرني ولانه فيها زيت كتير ما تلصق في اليد وباين انها متماسكه وقاسيه
مثلا للبيتزا او المعجنات اللي فيها خميره تكون متماسكه ومو قاسيه مره ويتضاعف حجمها بعد التخمير واثناء العجن تلصق في اليد لانها مافيها زيت كتير في مكوناتها لما تعجنيها كويس نزليه من يدك وادهني يدك زيت وبعدين كوريها واتركيها ترتاح وتخمر ولما تبغب تسويها حطي صحن فيه دقيق وحطي يدك فيه وبعدين خذي القطعه وغمسيها في الدقيق من الجهتين ما حتلصق في يدك وافتحيها وشكليها مع رش الخشبه اللي حتشكليه عليها بالدقيق ومو العجن اللي يخليها تنشف الفتح او الخميره تكون مهي كويسه ولما تحطيها في الفرن ادهنيها بيض مع حليب حتى ما تنشف معاك ولا تخففيها في الفتح كتير البتزا لازم تنفتح تخينه شوي
اللقيمات او القاضي نتكون لينه شبه سايله مو زي الماء انتبهي لينه تقيله هذه ما تعجنيها بيدك بالملعقه ولما تبغي تقليها غطسي الملعقه في زبديه فيها زيت وبعدين خذي منها واقلي وهكذا
بالنسبه للعجانه العجن فيها جدا سهل حطي المقادير الموجوده عندك وشغليها الين ما تشوفي العجينه اتلمت او اتكونت ادهني يدك زيت وخرجيها
اما اذا كان المقدار كبير على الوعاء تبع العجن ما ينفع تحطيه كله حيخرب عليك وما يتحمل
بالنسبه لشرب العجينه للزيت لازم تكون مقاديرها مظبوطه وفي نصيحه واحده كتبتها انها تحط ملعقة خل ابيض في الزيت حتى ما يشرب العجين الزيت ويمكن يكون نوع الزيت استخدمي في القلي زيت خفيف زي عباد الشمس
ارجو اني قدرت افيدك
انا عندي استعداد تام اني اجاوب على اسئلتك واذا فيه زياده ماعندي مانع،،،،،،،،،،
ج1/هاذي عجيييينه ممتازه جدا وتنفع لكل شي
3كاس دقيق*3م ك حليب-م ك خميره- فنجال سكر-شوي ملح-نص كاس زيت-1 وربع كاس ماء دافئ
اعجني السوائل اول بعدين اضيفي الدقيق شوي شويوتكون لينه بس مو مره لينه يعني اذا ضغطتيها تطلع مثل
الإسفنج((((((اتمنى انك فهمتي))))
ج2/اذا كانت العجينه لينه زيديها دقيق بس قبل ماتخمر العجينه وانا افضل الدقيق لأن الزيت يخلي الأطراف يابسه شوي
ج3/يمكن العجينه غلط اوانها قاسيه شوي
ج4/ماعندي عجانه للأسف لكن مثل اليد مافيه لأنك اذا عجنتي باليد تعرفين وضع العجينه وشو؟
ج5/اللقيمات يبي لها دقه شوي
عجينتي حلوه(((((( سوي لها بحث بالمنتدى وتلقينها))))) وبالنسبه للزيت انا عني مااقلي فيه اكثر من اربع مرات وللمعلوميه زيت اللقيمات حاله خاصه مايكون حار مره ولا بارد يصير وسط وانت تلقمين ماتطولين النار لأن هذا يرخي اللقيمات وتشرب الزيت
اي سؤال انا حاضره حبيبتي ولا يردك الا يدك
اشكركم على المعلومات الاكثر من روعه
بس انا عندي سؤال:
صحيح ان كثر العجن يعني لما اطول وانا اعجن يخلي العجينه قاسيه ؟
العجينه كلما انعجنت اكثر كلما طلعت احسن
انا اذا جيت اعجن اتطاق انا والعجينه
بس تطلع عجينه صح
وترى العجينه اللي كتبت غايييييييييييه في الروعه
جعل الله ماكتبتم في ميزان اعمالكم الصالحه
وابد ماتر فعي درجة حراره الفرن الى ان تحسين العجينه قسيت وصار لها صوت عند التقليب تصير كانها حجاره بعدها ارفعي النار شويه وانشاء الله اكون افتك تحياتي
اشكرك عالمعلومه والمرور
الغاليه متغربه
اشكرك على المرورحبيبتي