أول اشي المقادير:
حماصيص بركاوي
عدس بركاوي انتو عارفين ستات البيةت بركاوي و لا في مقادير و لا يحزنون
كمون
زيت زيتون
ثوم مدقوق
ملح
الطريقة:
يغسل الحماصيص جيداً و يقطع شروشه و يرص متل السبانخ و يفرم فرمة من النص أو بدون فرم و نضعه في الطنجرة و نضع العدس و نغمرهم بالميه قدر قراطين فوهم و بنسيبهم يغلو و يستو مع بعض
بعدين بنجيب المفراك (أداة فلسطينية بحت) و نفركه علشان تطلع العروق
و بعدين نحط التوم المدقوق و الملح و الكمون و زيت الزيتون و نسكبه في أطباق
و هنيئًا
على فكرة الحماصيص البري اللي في البيارة بيكون حادق أما اللي في السوق مش حادق فاذا بيتجبوا يحدق اعصري ليمون عليه في الطنجرة قبل السكب
و أي سؤال أنا جاهزة
يعني انا ابصر شو بده يصيبني مش عارفه شو هو الحمصيص
يمكن اختلاف الاسم لاني بعرف شغلات كثير بس هذا مش عارفه انا حاسس انه الزعمطوط احنا هيك بنسميه
اوصفيلي شكل الورقه علشان اعرفه بالزبط
اذا طلع زعمطوط والا لسينه هذا اله وصفه جديده عندي
شكلة غريب غير الزعطموط واللسينة.. عندك لسينة.. نفسي فيها ..
دعاء … كل الشكر خلاص راح اعملها في الاجازة لسي السيد احسن حرام محروم منها
بس ما في عندي مفراك كيفف اتصرف ..
ومبروك عليك الاجازة 3 أيام .. انبسطي .
أوراقه خضراء بيضاوية و عليها نقط سوداء
وعود بديت أشك فيكي كيف اجازة 3 أيام؟؟؟؟؟
مصطلحات غريبة أول مرة أسمعها
حماصيص – لسينة – زعطموط
ويش هذه الأشياء؟؟؟
إذا ممكن أحد يصورها ويجيب لينا تاريخها
طيب يا لبلبه
الزعمطوط هو ورقته زي القلب ويلف مثل ورق العنب تحشيه رز عادي والذي منه وتلفيه وتطبخيه مثل ورق العنب بس طعمه مش حادق زي الدوالي
واللسينه نفس الزعمطوط تحشى بس ورقتها طويله ومسننه شويه وملمسها زي اللسان مش ملساء يعني
يا وعود انتي احكيلي اللي نفسك فيه لانه خالتي دار حماها من القرى ومنطقتهم مرتفعه يعني مونه الزعمطوط واللسينه عليها
بس انا ما بحب اللسينه بتعرفي ليش لاني وانا اوكلها زي كاني بوكل لسان لانها ابصر كيف ملمسها
ايييييييييييييه أحين على الأقل أكون على نور