مقادير الكيكه اللي انا دايم اسويها كالتالي
1 ونص قلاص سكر بودره
1 ونص قلاص طحين
ثلث قلاص زيت
5 بيضات مع اشوية خل
فانيلا
بيكنج بودر ملعقه
ربع قلاص حليب سائل
الطريقه :
اخلطي البيض جيدا مع الخل …. ثم اضيفي الفانيلا… ثم السكر … ثم الزيت…. ثم الحليب … واخلطي جيدا
اضيفي الطحين والبيكن باورد حتى تتجانس كل المقادير
لما تسوين الخليط قسميه الى 3 اقسام
القسم الاول خليه مثل ماهو ابيض
القسم الثاني حطي عليه الوان الطعام لون احمر
والقسم الثالث حطي عليه ككاو
صبي الخليط الابيض في قالب الكيك وبعدها الوردي ثم الككاو واخليطهم اشوي بالشوكه ….. مثل الكيكه الرخاميه
ودخليها الفرن على درجه متوسطه 160 درجه…. لمدة ساعه الا ربع
ولما تبرد زينيها بالتوفي او بالكريمه
وعليكم بالعافيه
وهذى قطعه ثانيه …. لاني حبيت اوريكم شكلها من داخل اشلون تصير الوانها 🙂
لكن لما أمزج اللونين للترخيم، أمزج بقشة أسنان، بيطلع شكل جميل جداً حتى قبل الخبز.
الله يسلمك عزيزتي
واتمنى تجربينها راح تعجبك
وفعلا قشة الاسنان فكره ما طرت على بالي
وكلك ذوق عزيزتي
ممممم أنتي نفسها اللي في منتديات عالم حواء؟؟إذا انتي نفسها وانا متأكدة أنج انتي هي
ماشاء الله عليييييييج طباخه ماهرة وو ها يا بنات ترى وصفات أم عزيزان رهييييييييبه أنتو جربو وشوفو أكيد بيطلع 
وهذا الترحيب مني لج
وأكيد مع الورد
روووووعة يا أم عزيزان .. أنا أيضاً عادةً أعمل الرخامية بلونين .. لكن الآن أضفتي لي فكرة جديدة
تسلم إيديكي .. الصور ما شاء الله تغني عن التعبير
اول مبارح عملت طريقة الاخت وله في الكيكة الرخامية وطلعت معي كتير طيبة
بس اليوم شفت موضوعك وعجبتني فكرة اضافة لون اخر
وطالع معك غير غير شكل
اذا الله راد راح سويها يوم الاحد وخبرك
ما يحرمنا منك يارب
الله يعطيج العافيه ياقلبي
واتمنى تجربونها
وان شاء الله تعجبكم
وشاكره لكم المتابعه عزيزاتي
كم هو حجم الكأس؟
ليش الخل؟؟؟
وهل بإمكاننا الاستغناء عن اللون الأحمر بشراب الفراولة المركز؟؟؟؟