المكونات:
دى المقادير اللى بيشتغل فيها الشيف حسن عشان نكون فى المضمون
* ربع لتر ميه حوالى مج كبير
* مئة جرام زيت ما يعادل نصف مج زيت
* مئتين جرام دقيق ما يعادل مج ونصف مج دقيق عليه ذرة ملح
* تلات بيضات كبار
* كيسين فانيليا
والكميه دى تكفى وتزيد أسرة مكونه من خمس أشخاص
ودى صورة بالمكونات
الطريقه :
* فى حله تيفال أحط الميه عالزيت وأسخنهم عالنار
وعند الغليان أبعدهم عالنار وأحط الدقيق كله مرة واحدة
http://files2.fatakat.com/2016/8/1282762160.jpg
وبعدين ألم الدقيق بالميه عالنار وأطفى على طول حتعمل عجينه
وطبعا العجينه بتكون سخنه أستخدم العجانه وآخدها عالعجانه وأشغلها شويه ومن خلال إستخدام العجانه العجينه حتكون بردت شويه ولما اتأكدت إن درجة حرارة العجينه هديت خالص وإبتدى أنزل بالبيض واحدة واحدة يعنى واحدة وأشغل العجانه
وبعدين لما العجينه تستوعبها أنزل بالتانيه وبعدين أحط الفانيليا مع آخر بيضه
وللأسف نسيت أصور شكل العجينه فى الآخر بس أنا ماضفتش حاجة خالص بعد كدة زيادة عن المقادير اللى كنت مصوراها
بس هى عجينه طريه سهله التشكيل شبه عجينه البتيفور بس أطرى شويه ودلوقتى بقت العجينه فى درجة حرارة الغرفه
وبعدين ولعت على الزيت وطبعا الزيت بيكون غزير و النار بتكون واطيه خالص
و نزلت ببلح الشام وما استنتش إن الزيت يسخن وبما إن الزيت ماكانش سخن جامد فهبط
بلح الشام فى القاع وبعدين انتفخ مع الحرارة وطفا على وش الزيت زى ما الصور بتقول
هنا البلح راقد فى القاع لإن الزيت مش سخن
والزيت هنا بيبتدى يسخن
فضلت النار واطيه و ما حاولتش أقلبه خالص
حد أما إبتدى يتلون إبتديت أقلبه والنار واطيه برضه
ممكن فى الوقت دة أعلى النار شويه
دة اللون اللى بحبه دهبى غامق عشان أضمن بيه القرمشه اللى أنا بحبها يا سلام
وبعدين حطيته عالعسل وبعدت الطاسه عالنار علشان الزيت يهدا إستعدادا للمقدار التالى
مرتها فى العسل واحدة واحدة وبعدين حطتها على مصفاه عشان أصفى العسل
نسبه للطاسه اللى بعدها حبيت إن الزيت برضه ما يكونش سخن جامد زى بدايه المرة اللى فاتت والطاسه كانت بعيدة عن النار ابتديت أقطع العجينه وأرص فى الصينيه لحد ماإستوعبت المقدار بتاعى ورحت رداها مرة تانيه على النار وكررت الخطوات السابقه برضه والنار واطيه
ودى الصورة النهائيه للطبق بتاعى
منقووووووووووووووول
انا کمان هیک اعمله
انصحکم تجربوها یا بنات کتیر طیبه
الله يعطيك العافيه
تسلم الأيادي يا غاليه
روعة
ولا مره عملتها وزبطت
راح اجرب هذي الطريقة ويارب تزبط
بالتوفيق وشكرا عالنقل الحلو