هي اعدها واحده من اقرب ثلاث اشخاص لي و اعرفها من سنتين ونص
عليها عقل و شخصيه ما شاء الله عليها
مشكلتها انها لاتحترم المواعيد…اعرف ان اغلب الناس تشكي من هذا الشئ بس هي زياده
يعني اشعر انها لاتحترم الشخص الاخرين و لاتفكر فيهم
يعني ماتقول بينها و بين نفسها ان الناس هم قاعدين و ينتظروني
بعطيكم مثال مره كنت بدي اروح انا و هي و واحده ثانيه نتغذى مع بعض في الجامعه
المهم اتصلت في و قالت لي بدي اصلي العصر قبل مانروح قلت لها اوكي مننتظرك
جات البنت الثانيه و انتظرنا تقريبا 20 دقيقه رجعت اتصلت فيها فقالت لي انتظري شوي بعد ماصار وقت العصر !!!!!!!
طيب مادام وقت الصلاه ماصار فليش قاعده؟ يعني بالوقت الي هي كانت تنتظر فيه الصلاه لتدخل كنا رحنا و اكلنا و رجعنا و بعدين صليتي
واليوم صار الموقف الثاني علشان هيك معصبه…اتفقنا نروح عالجامعه عالساعه 11 الظهر فالمهم انا استيقظت شوي متاخر و مابدي اني اقعد عالاعصابي و اخلص بسرعه علشان اوصل عالوقت مثل ماهي تعمل
المهم قبل ما اخرج بخمس دقائق قلت خليني احكي معها علشان اتاكد الا و الاقيها بالبيت و تقولي قمت متاخر اليوم و يمكن ما اروح
يعني شو هادا؟؟؟؟ تخيلوا لو انا ما اتصلت فيها ورحت عالجامعه
هذه التصرفات مع الجميع يعني هذا طبعها
ومره كنت بروح معها مشوار و كنا مواعدين واحده فقلتلها يالا بسرعه لح نتاخر عليها
قالت لي معلش نتاخر شوي خلينا نثقل
قلت لها الثقل يكون بطرق ثانيه و اسلوب ثاني
بس للان ما انسى جملتها هذه و دائما اقول معقوله انها تفكر من جد انها قاعده تثقل عالناس لما تتاخر؟؟
يعني بدها الناس بس تنتظرها؟؟
احيانا بقول هذا عيبها و مافي احد كامل و هي اكيد تستحمل عيوبي
بس ما اقدر اشعر ان الموضوع بدا يمس كرامتي 
من ناحيه اصدقاء ثانين فنعم عندي و خلاص انا ان شاء الله ناويه ارجع لاصدقائي الي اعرفهم من ايام الكليه و اخلي علاقتي بها رسميه
خليها تفهم ان مش كل الناس ميته عليها
بس برايكم تصرفي صح؟
يعني اعتبروا الموضوع شوي فشه خلق 
أنا عندي عقدة اسمها الوقت، يعني بمشي بالثانية، ومستحيل أتأخر مهما صار، الحمد لله، حتى الآن ربنا ما ابتلاني بشيء يخليني أتأخر، ولو حصل إني بدي أتأخر عن موعدي، لااااااااااااااازم أتصل وأقول عندي ظرف طارئ خلاني أتأخر فأرجو المعذرة.
ولهذا السبب، تعودوا الناس إنها مواعيدي مضبوطة فيضطروا ينضبطوا.
لو عملت جمعة عندي وما إجوا على الوقت، ما بسكت، بقولهم إني مثل ما أنا بحترمهم وبضبط مواعيدي بتوقع نفس الشيء منهم.. فبتلاقيهم لما بييجوا متأخرين بيبقوا مثل التلميذ الخائب 
وهاتك اعتذارات ههههههههههههههههههههه
ومرات والله بروح عند ناس عازميني، وعلى الوقت بوصل، وبلاقيهم هم نفسهم مش مستعدين وجاهزين.. طيب لييييييييييييييييييييييييييييييييش؟؟؟؟؟؟؟!!!!!!!! في بيتك وبتتأخري؟!!!!
ومرة واحدة جننتني، رحت عندنا حتى آخذها معي مشوار، تأخرت علي كثير، رحت تركتها ومشيت، لأني ما عدت أتحمل.. من يومها بتطلع من البيت قبل الوقت وبتستناني هي حتى ما تتأخر
حتى مرة عزمت ناس على سهرة، وعملت ما لذ وطاب، تأخروا ساعتين، اتصلت فيهم، تخيلي شو كان الرد: يييييييييييه ما هو بطلنا نيجي!!!!!!!!!!!!!!!!!!!!
أنا طار عقلي… كيف بطلتوا؟ يعني هالقد الاستهتار إنه حتى تلفون ما بتتصلوا تقولوا بدل قعدتي في المطبخ طول النهار؟؟؟؟؟؟؟؟!!!! قالت: كنا بدنا نتصل هلأ؟!!! وأعطيتها بكل ما أوتيت من قوة عن الوقت، والاحترام للمواعيد والشخص الموعود، وعن الأخلاق والدين والمسلم.. وهل من الصعب رفع السماعة للاعتذار قبل بوقت؟!
يعني لازم يتعلموا إنه المواعيد احترام للموعود، وفي حالة التأخر يتصل المتأخر قبل الوقت ويعتذر أنه رح يتأخر فأنا ما بعود أراكض الزمن.. وفي حالة القرار في عدم المجيء، تتصل ساعات مبكرة …
نصيحتي، اقعدي مع صاحبتك، وقوليلها رأيك بصراحة، وشو المطلوب منها بالتفصيل، وإن أخلفت عاقبيها بنفس الطريقة علّها تتعلم.
يا جماعة بيكفي تفتحوا عليّ أبواب فشات الخلق هاي.. ما هو أنا متحاملة على كل البشر صرت
اللى يوعد ويتاخر اوحتى مايجى ولا كانك لك عشر طعش ساعه فى المطبخ وبعدين بكل بساطة تنتظرى وتنظرى ومااحد يجى طيب اتصلوا اعتذروا ياساااااااااااااتر انا اشعر انها قلة ذوق وليست ثقل وممكن تقول لك طيب خلاص بكره بنجيك عندها اقول لها اسفه بكره مشغوله
متل ما حكت ايمان لازم توقفيها عند حدها
لانة من صفات المنافق اخلاف الوعد(ايات النافق ثلاث……….اذا وعد اخلف
وهاد اكيد شي ما بترضي يكون صفة لصديقتك
وبعمر هالشي ما كان معناه انة تثقل على الناس
عشان هيك واجب عليك كصديقة الها تنبهيها لهنقطة واذا ما اتعظت ذنبها على جنبها
وقد اعذر من انذر
صدقتي لما قلت
أرسلت بداية بواسطة إيمان علي
بس تربيت وتعلمت، وربيت الناس معي ..
عن جد تمشي الناس عالعجين مايلخبطهوش
بالنسبه لصديقتك الي تاخرت لعيك و رحت انت و تركتيها هذه قويه و كان ممكن واحده ثانيه تحط الحق عليك و تقولك كان في شئ ضروري و طارئ كان لازم تنتظري وووو
بالنسبه لصديقتي انا اكثر من مره اقولها اني اتضايق يعني هي من نفسها بس تيجي تكون مبتسمه لانها عارفه حالها
وبصراحه قرفت و مش جعبالي ارجع اعيد و ازيد
بس عن جد مواضيع هالايام مابعرف شو مالها كله فشات خلق و انت ماشاء الله مابتصدقي
*********
روح المرح شكرا على مرورك
**********
فلسطينيه قلت لها اكثر من مره بس معقوله لازم اقعد معها و اكون جديه و اعطيها محاضره طويله عريضه عن تاخيرها عن المواعيد؟
يعني الاقي ماله داعي و بتقولي اذا مش عاجبك بلاش (هي حرام مالح تقولها بس هي مش مجبوره تغير طبعها علشاني )
أنا اتصلت فيها لما طلعت من بيتي وقلتلها أنا طلعت بكون عندك بربع ساعة، وقالت ماشي بتكون جاهزة.
وصلت على باب بيتها واتصلت فيها من السيارة وقلتلها أنا برة اطلعي.
قالت: إيمان، معلش أدخل آخذ دش على السريع؟؟؟؟؟؟؟
طيب هذه شو أعمل فيها؟ ما صدقت اللي قالته، فكرتها بتمزح. فأكدت أنها جادة!!!!!!!
طيب شو كانت بتعمل كل هذا الوقت؟!
المهم سألتها: قديش بدك؟ قالت دقيقتين بالعدد!!! قلت أمري لله!!
انتظرت 2، 5، 7، فقعت معي.. اتصلت فيها وما حدا رد، قلت شكلها عم بتغني جوا (الميا تروي العطشان)!! قلت لنفسي خليك بالحمام وأنا رايحة لحالي!!
وفعلاً حملت حالي ومشيت، اتصلت فيي بعد ربع ساعة بتقول أنها خلصت وطلعت وما لقتني!!!!
طيب تخيلي، ربع ساعة زائد الربع ساعة في الحمام!!!!
هذا طبعاً ما تكرر من يومها، وهي اعترفت بخطأها… ولولا إنها صاحبتي ما كنت تجرأت وعملت هيك..
بس الناس كلها عرفت القصة وكلهم تربوا مع بعض وبيطلعولي هرولة
معك هق
بس لاحظي اغلب الكلام والمواقف عن ناس تربطنا فيهم علاقه قويه
بس كيف لو الناس علاقتنا فيهم مش كثير قويه؟ بلاقي بالعكس هم الي يحتاجوا نعمل هيك مواقف معهم علشان من اولها يتعلموا
بدي قولك شئ…ماشاء الله عليك يعني مش عم بحسدك:
بس انت ماضربتي الرقم القياسي بعدد المشاركات؟ :
الفاضي عزيزتي بيعمل قاضي
ربة بيت full time وولادي في المدرسة، بخلص شغل البيت وبقعد لكم
بتعرفي ما انتبهت لرقم المشاركات إلا لما قلتي!!! أعتقد لازم أراجع هالمشاركات وأشوف مدى ثراءها بالمعلومات، ما يكون أكثرها كلام فاضي
!!!
بالنسبة للناس اللي معرفتك فيها سطحية، عادة بيخجلوا منك يعطوا انطباع خاطئ ولهذا بتكون مواعيدهم تمام.. بس لما تتعرفي عليهم منيح بيصيروا يطنشوا الرسميات هذه!!!
هذة المشكلة جدااااااااااا" تعصبني الله يصبر نا…..
اذا كانت البنت كويسة من جميع النواحي ….فحاولي ان لا تخسريها من اجل عيب واحد
نصيحة اعملي فيها مقلب في المواعيد حتى تتوب وتحس على دمها…..
وشكررررررررررا"
الوقت عندي مقدس يعني الساعة 4 يعني الساعة 4 ، الكل عارفني مضبوطة في مواعيدي وياما شاربة مقالب من نوعية هيك عالم بس بصراحة مرة والثانية ما حدا بيعود يتجاهل أي موعد محدد معي.
مرة زوجي عزم بيت صاحبه على الغدا والغداء معروف الساعة 2. صارت الساعة 4 وما حدا شرف ولا اتصال اعتذار … المهم الساعة 7 شرفوا . وكل اللي قالوه .. قلنا نخلي الغدا عشا أحسن علشان ناخذ راحتنا في السهرة.
اختكم في الله قالت آسفة أنا كنت عاملة حسابي على الغدا وفي عندي موعد زيارة الساعة 8 ، وبدون زعل بتشرفوا مرة ثانية .. زوجي عيونة طلعت لبره والجماعة فتحوا افواهم من الاستغراب وانا قلت لزوجي في موعد عند اختك الساعة ثمانية ومش راح اعتذر. المهم قعدو نصف ساعة وما عدت شفتهم… وبعدين عرفت من بقية الأصحاب انهم متعودين على هيك منهم بس بصراحة البقية تعلموا درس والتزمو…..
المهم عندي الوقت …. بصراحة ربة بيت وامرأة عاملة…. وعندي اولاد في المدارس.. شو متوقعين… الوقت موزع الدقيقة.
اعذروني طولت حكي…