بنوتات و66666666 الكل عندى انهارده {{ سمك وقار محشى سنجارى بالخضار }} 2024.

برنسيساتى وحشتونى كتير
والحمد لله الولاد والاجازات والامتحانات مش مخليين ابراج فى عقلنا
لكن ولووووووووو
مهما كانت الابراج اللى طايره
يظل المطبخ شغال

فجيبتلكوا طبق من مطبخى انهارده اييييييييه حكايه

{{{{{ وقار محشى سنجارى بالخضار }}}}}

اصل طبخة السنجارى
توم وزيت وليمون كتير

ما عدا ذلك فانتازيا
وانا اموت فى الفانتازيا

اولا السمك حيمر على عدة مراحل
وقبل مروره على المراحل لازم يكون سمك كبير منظف مفتوح من النص زى الكتاب ونشيل عمود العظم اللى فيه

2 ك سمك وقاااااااااار

1. مرحلة التتبيل
2. مرحله الحشو
3. مرحله الطبخ
4. اخيرا الرز البسمتى وممكن عادى بالخلطه اللى اتحشى بها السمك

اولا مرحلة التتبيل

2 فص توم مهروس
وعصيره 2 ليمونه
1 م ك مسترده
ملح وفلفل

يخلطوا مع بعض

تانى مرحله الحشو

1/2 راس توم مفروم مقسمه نصين
4 بصله كبيره شرائح واقسمه نصين
7 فلفل شرائح واقسمه نصين
حزمه بقدونس وكسبره وكرات واقسمه نصين
ملح وفلفل وتوابل سمك اقسمه نصين
1 م ك كارى
1/2 كيلو جمبرى مقشر ومنظف
1/2 كيلو سيبيا مقطعه شرائح

علشان ما تتلخبطوش
اول 5 مكونات حقسمهم نصين
نص لمرحلة الطبخ
والنص التانى حقسه نصين
واخر مكونين حقسمه نصين
نص للحشو مع نص الجمبرى والسيبيا ونص للرز مع الجمبرى واليبيا وودنك منيييييييييييييييييييين يا جحا

الطريقه
اخد م توم مفروم فى قليل من الزيت وتقلبتين واضع الكارى واقلب تقلبتين واضع السيبيا وعليها مايه لغايت لما تستوى
وفى الاخر اضع الجمبرى تقلبتين واقفل النار

اخد الانصاص بتاعتى وعليها بهاراتى وعليهم السيبيا والجمبرى واشيل منهم شويه صغيرين للرز بعد ما صفيتهم والملح والفلفل
سيبى مايه السلق على جنب

واخلطهم مع بعض
واحشى بهم السمك واخيط السمك

ثالث مرحله الطبخ

الانصاص المجمعه من مرحلة الحشو (التوم و البصل والفلفل والخضره والتوابل) لكن حستخدم نصهم للرز
3 طماطم كبيره مقطعه شرائح
1/2 كوب زيت
4 بطاطس كبيره مكعبات
1/2 كوب كبير عصير ليمون

الطريقه
احضر الصينيه
واضع فيها جزء من مكوناتى وعليهم السمك وعليهم باقى المكونات والطماطم والبطاطس والليمون والزيت واسيبها تغلى على النار وادخلها الفرن لغايت لما تستوى والبطاطس يستوى والصوص ينشف وبالهنا

رابع مرحلة الرز

3 كوب رز بسمتى
2 م ك كارى
1 م ك كركم
ماح وبهارات سمك
النص التالت للحشو مع طماطمايه مكعبات
الماء المتبقى من سلق السيبا والجمبرى
والجمبرى والسيبيا اللى شايلاهم على جنب

بص شوف برنسس بتعمل ايه

رووعه يا غاليه تسلم ايدك الجميله يارب

بصراحه حاجه تفرح حبيبتي

الحمد الله اني حضرت بكير
الله الله الله
ماشاء الله ولا حول ولا قوة الا بالله
مبدعة برنسس مبدعة
ام مالك اخذت طبق
وانا كمان طبق لحاااااااااااااااااااااااااااالي

ربي يعطيك الصحة
ودائما اعزمينا
ههههههههههههههههههههه
احلا عزومة والله

مشاء الله ولاقوة الا بالله يعطيك العافية ياقمر دائما منورة و متميزة
تسلم الأيادى طيب ميسو أخدت طبق و ابريكه أخدت الطبق التانى
الحق انا و أخد الأرز