اخواتى زوجى يريد يغير جو انا معاه
لكن عندنا ديون ومصالح ونريد نبنى غرفه لبناتى
ومصاريف صراحه
فانا قلت له الاولى نخلص مصالحنا
ماعرف نفسي اسافر
بس ماريد نرجع مفلسين
وما نسوى شي بالبيت ولا بحياتنا وهو الاهم
انا قلت خلينا نتمشى بمهرجان الصيف عندنا بدبي
وخلاص
هو قال اريد براد مو حر بلدنا
محتاره
اما السفر
اما مصالحنا
ومستحيل نوازن بين الاثنين
شو رايكم
طبعا مصالحكم ابدى من السفر ..
وبعدين ماشاء الله انتي من الاماارات عندكم المهرجان بتستانسي فيه ..ياريتي اصيف عندكم شهر بصراحة الاماررررات تهههبل ونااااسة كل سنة اروووحها..
احنا نفس الشي تونا ناقلين لشقة ملكنا وسوينا فيها صيااانة وزوجي يبغى يروح ماليزيا وانا اقوله لالالا تونا دافعين ماشاء الله ..بس لان حالتنا المادية زينة وللله الحمد بس انا اقول لا نخليها السنة الجاية عشان نعوض الي دفعناه ..
وقلت له نروووح نسوي عمره ..وبعدين نروح الاماارات اسبوع ونرجع على الاقل مابيكلفنا مثل السفرة لبره ..
وبالتوفيق إن شاء الله
سافري وانبسطي وفرفشي وابسطي زوجك
ماشاء الله دام هو اللي طلب لا تردينه…دايم إذا عملت بمشورة زوجي اتوفق حتى وإن كنت غير مقتنعه بالموضوع..هذا إذا كان السفره اللي يبيها لمكان مسموح فيه شرعا مو بلد كفار..أو بلاد اسلاميه ينتشر فيها الفساد..ارجع بالخساير اكثر من الفوائد
وما ادري عن نوعية زوجك…اخاف إذا جلستو …وقلتي في يوم طفشانه …بيقول هذي شورتك..وتتمنين بعدها انك ما رديتيه
وبعدين البيت ملحقه عليه طووووووول السنه لكن السفريه شهرفي الصيف …وبالنسبه لي افضل اسافر شهر واوفر عشره شهورقبلها…لكن المهم إذا سافرت اتمتع وما اوفر على نفسي شي
هذا رايي واتمنى تستمتعي باجازتك مع زوجك واولادك
سافرى وخليها على الله
اكيد بعد ما ترجعين من السفر شوى شوى تلمون وتسون الى تبونه
لكن الاجازة ما تتعوض هى شهر وبس
ان شاء الله تروحين وتنبسطين
ما قلتيلنا وين رايحه ؟؟
خواتى اشكركم على الرد
بس السفر بالسياره تعب الى صلاله
خصوصا مع بناتى صغار
وحده سنتين ونص
والثانيه 3 شهور
الله يخليهم ويحفظهم
تعب يا جماعه وسمعت عن الطريق
اشياء مخيفه من حوادث وووو
فمو متحمسه
انا احب الرحلات الخفيفه والنوم بالبيت
اخواتى اذا ما بنيت الحين مستحيل نبنى
وانا اريد الحجره ضرورى
يعنى فكرت فيها
وناسه وفرح لكم اسبوع بصلاله
ولا راحتى وراحته هو العيال طول السنه
؟؟!!
هو يقول بنسافر بعدين بنبنى
انا بحاول اقنعه اننا نبنى واذا بقت فلوس
وهذا مستحيل هههههههه نسافر
اضحك عليه يعنى 
اذا كان هناك امور اهم واولى فهي احق بهذا المال ..وزي ماقلتي …وناسه وفرح كم اسبوع
..ولا راحتك وراحته هو العيال طول السنه؟؟؟؟!!
وليش الناس تعتقد دائماً ان تغيير الجو والمتعه لاتكون الا بالسفر ؟؟
اليس من الممكن ان يستمتع الأنسان في بلده ووطنه ؟؟
اجلسي معاه جلسه هادئه واشرحي له فكرتك بهدوء …وان بناء الغرفه وباقي المستلزمات مهم لك جداً ويترتب عليه راحتك طول العام ..مقابل راحه مؤقته كم اسبوع في الصيف سوف تفقدون فيها هذا المبلغ المهم لكم ..
بالتوفيق ..واتمنى يستجيب لك
أنا اخوي سافر صلالة من سنتين وما قال ان الطريق مخيف ، صحيح طويل لكن بالنسبة لكم من الامارات بيصير اقرب بكثير من السعودية
وعلى ما أعتقد ان صلالة ما تكلف كثير مثل باقي الاماكن ، مع ذلك انتي استخيري قبل كل شي وخلي زوجك يستخير وادعوا الله يكتب اللي فيه الخير
اهم شي ان المكان اللي بتروحونه ما يصير فيه مخالفات شرعية
ماشاء الله عليك بجد زوجة عقلانية وحكيمة مع انك صغيرة بالسن 00
بالفعل في اشياء اولى من اشياء ممكن تسافرو وتنبسطوا لكن لما ترجعوا رح تبداو من جديد
بتوفير بناء للغرفة 00
مصالحكم اولى من السفر تقدروا تغيرو جو بحجز يومين او ثلاث باحد الاماكن اللممتعة المطلة
على البحر عندكم تغيروا جو وتنبسطو وماتصرفوا كثير 00
بارك الله فيك على عقلك الراجح ويسر لك كل مافيه خير وصلاح
انتى رايج صح الصح السفر فيه راحه كم يوم وبس الضروريات اهم واولى من السفر وخاصه اذا انتى محتاجه لها فى الوقت الحالى . الله اوفقك على هالعقل الراجح.
اقنعى زوجك بالراحه وانشاء الله يقتنع بالفكره والله الموفق .
ساهره