مساء الفل بنوتات لك
جنى23 طلبت منى اوريها طريقة عمل وردة الطماطم اللى بازين بيها طبق السلاطة بتاعى وانا وعدتها انى اعملها واصورهالها والفايده تعم على جميلات لك كلهن ولو انى عارفه طبعا انكن استاذات
الأول تختارى ثمرة طماطم جامده مش طريه وتقلبيها من تحت
وبعدين تقطعى دايره لكن ماتقطعيهاش للآخر ( زى ماتكونى بتقشرى برتقاله )
كملى لغاية ماتوصلى للآخر
وبعدين اقطعى الشريط الطويل اللى عملتيه
ابتدى لفى من الناحيه اللى قطعتيها الأخيره
لغاية ماحاتلاقى الدايره اللى انتى قطعتيها فى الأول عملت زى الطبق تحت الورده علشان تعرفى تحطيها على أى حاجه
واستمتعى بشكلها على طبق السلاطة
واتمنى ان الشرح يكون وافى ياجنى ….
كتير بسيطه وانا هلا تعلمتها منك
يسلمو ياقمر
شرح وافى وجميل
و فكره جميله و مميزه للتزيين
تسلم ايديكي يا فنانه
يسلمو اديكي حبيبتي على الشرح الواضح
تسلمين عالفكرررره الحلووووه
يعطيك العاااااافيه
د.سوسن …… يارب مانحرم من طلتك الغاليه وردودك اللى تفتح النفس ….. تسلميلى ….
rawan_d ….. اى خدمه ياقمرايه …. تسلميلى انتى على طلتك الحلوه
دلوعة الغالى ….. انا مبسوطة ان الفكرة عجبتك ياجميله …. الله يعافيكى يارب
حنان (البحرين ) ….. تسلمى ياحبيبة قلبى يارب ….
شرحك وافى و جميل مثلك
منتظرين الافكار الجميله