حالتي حالة وانا كل ما اشوفها او اتذكرها يجن جنوني
عليها انا كلتها مرة وحدة بس ناسية كيف ممكن اعملها
بليز بنات ساعدوني كيف اعمل الملوخية المرافقة للدجاجة
المحمرة بالبهارات بعد سلقها يممممممممممممممممم
عليييها ساعدوني بنات الله يخليكم
شعار₪موضوع متميز₪ فرخه محمره محشيه فريك ورز بالبصل والكبده وملوخيه بالصور
هاتى الملوخية المجمدة ودى متقطعه جاهزة فى انواع كتيرة افضلها مونتانا وفرجللو وفارم فريتس
استنيها الاول لما تفك متحطيهاش مجمدة " وعشان متسيحيش كل الكيس وترجعى تجمدى تانى انا بكسرها وهى مجمدة اخد الجزء اللى عاوزاه واسيبه يسيح وارجع الباقى الفريزر
حطى السمن فى الحلة وبعدين حطى " توم مطحون" ولما يحمر حطى كزبرة مطحونة وقلبيها مع التوم وبعدين ضيفى الملوخية وحطيى الملح المطلوب وقلبي الملوخية فى التوم و الكزبرة وبعدين زودى الشوربة حبة حبة لحد ما توصل للسمك اللى تحبيه
واستنيها تغلى مرة واحدة
وبالهنا و الشفا
هااعملها كده وتسلم ايديك
اولا تشترى ملوخية مونتانا او بسمة هتلاقيهافى كارفور ان شاء الله
تسلقى الفراخ و بعدين تحطى الملوخية و هى مجمدة فى حلة و تحطى عيها 2 كوب من مرقة الفراخ بس تكون سخنة
تسيبيها شوية لغاية ماتسيح و بعدين تولعى عليها النار لغاية ماتغلى
تكونى عاملة بقى الطشة اللى هى 4 فصوص توم مفروم و معلقة كبيرة كسبرة ناشفة و معلقة سمن تحمريهم على النار شوية و بعدين تحطيهم عليها و هى بتغلى و تسيبها تغلى دقيقتين كمان و تطفى
اما الفراخ بقى تطلعيها من المرقة و تدهنيها بالخليط ده (معلقة صلصة طماطم-ملح-فلفل اسود-معلقةزيت) و تحطيها تحت الشواية شوية او تحمريها فى طاسة تيفال على النار
بتكون رائعة و بالهنا و الشفا