اليوم صورت لكم صينية التونة اللذيذه من مطبخي و إن شاء الله تعجبكم ،،،
`•.¸¸.•¯`••._.•المقادير•._.••¯“•.¸¸.•
– تونه ( على حسب حجم الصينيه يعني لو صغيره علبه وحده و لو كبيره علبتين )
– ملح ( حسب الرغبه )
– فلفل أسود ( أيضاً حسب الرغبه )
– بصله وحده مقطعه إلى قطع مربعه صغيره
– نصف كوب بقدونس ( أنا ما استخدمته )
– توست ( على حسب الصينيه و في الطريقة بنشوف كم نحتاج )
– أربع ملاعق أكل كبيره من الجبن السائل " مثل كرافت "
– ملعقتين أكل كبار مايونيز
– علبة قشطة كامله
– كوب طماطم مقطع إلى قطع مربعه صغيره
– شوية زيت
`•.¸¸.•¯`••._.•الطريقة•._.••¯“•.¸¸.•
أول شي نضيف الــ 4 ملاعق الجبن السائل + ملعقتين المايونيز + القشطه و نخلطهم مع بعض لحد ما تصير الخلطه عنا مثل الصورة
و بعدين ناخذ شوي من هالسائل و ندهن فيه الصينية البايركس
و بعدين نجيب خبز التوست اللي نكون حمصناه على الخفيف يكون هذا شكله بعد التحميص
و بعدين ناخذه و نصفه فوق طبقة السائل اللي دهناها على الصينيه و بعدين نبدا نحط عليه من الخلطه اللي هي عبارة عن القشطه و الجبن و المايونيز
و نحط عليه طبعاً كله بس انا كان عندي فراغات في الصينيه بخصوص التوست و طبعاً سديت الفراغات لانه الصينيه ما كانت مستطيله
و بعدين نجيب التونه اللي نكون خلطنا معاها الزيت و كل الأشياء الثانيه من بقدونس و بصل و ملح و فلفل أسود و طماطم ما عدا الجبن المبشور
و نحط التونه فوق الطبقة الأخيره اللي سويناها بهذا الشكل
و بعدين نغطي طبقة التونه بالجبن المبشور بهذا الشكل
و بعدين نحط فوقة طبقة ثانيه من الخبز التوست بهذا الشكل
و ندهن طبقة التوست بخلطة المايونيز + الجبن + القشطه
و بعدين نحط طبقة جبن مبشور
و بعدين ندخله في الفرن لحد ما يذوب الجبن
و هذا شكله بعد ما طلعناه من الفرن و بعد ما ذاب الجبن
و هذا بعد ما قطعناه يطلع بهالشكل يعني هذا الشكل النهائي
و بالعافيه عليكم و ترى طعمه يشبه شوي طعم البيتزا لانه فيه جبن
و جربوها و عطونا آراءكم الحلوه
تسلم ايديك
