صينية الجلي الطبقات ،، زي ما وعدتكم بالصور STEP BY STEP 2024.

صينية الجلي باللبن (للفلسطينين فقط) و محدش يدخل لأنه مش رح يعرف يعمله ( بالصور)
طبعًا أكيد استغربتوا كلكم من العنوان و قلتو شو اللي بتخبصه دعاء
كلامي صحيح و منطقي

صينية حلو للفلسطينين
لانه الفلسطينيات بس هم اللي حيعرفوا يعملوه
أكيد

بس مش لأنه القدرات عنا غير عن الكل

لأ و ألف لا

الكل خير و بركة و ما شاء الله الكل مبدع
بس المشكلة في
.

.
.
.
.

.
.
.

المكونات :-
بسكوت ماري أو سبلة سادة
1 باكيت جلي (أوسم أو دريم) اللي تثقوا فيه و تحسوه بيجمد طعم فراولة
1 زبدة حلوبات (محمآه) و هي زبدة لونها من برة دهبي بأحمر
و هادي صورتها للي بغزة

1 كوب شاي سكر أكثر أو أقل

قطع فراولة للتزيين يمكن تقولوا وين المشكلة باللي فات كله
أنا بقول ما في مشكلة لحتى الأن
.
.
المشكلة في الاتي 3 كوز لبن شمينت (أكيد اللي برة غزة و الضفة ما بيعرفوه) و هو لبن دسم كتييير غير عن اللبن العادي و ما لاقيت زيه بره اللي تعرف تقولنا با جماعة يمكن فيه منه و انا ما بعرف)

( تم تعديل الصورة )

الطريقة:
تسيح الزبدة بحرارة خفيفة يعني ما تسخن بس تبقى سايحة

بنخلط عليها السكر كويس

بعدين بنضيف اللبن
و نخلط كويس ليصير مثل الكريمة

بعدين بنجيب صينية بايركس مستطيلة أنا ما عندي فعملتها بصينية بيضاوي
بنرص بسكوت طبقة

و شوية لبن

وكمان مرة بسكوت و شوية لبن

و المرة الأخيرة بسكوت و عليها لبن كثيير (باقي الكمية)

و بالاخير بنقطع الفراولة شرحات و بنصفها بالترتيب لتغطي كل الصينية و بنحطها يالثلاجة شوي لتجمد

بعدين بنعمل الجلي حسب التعليمات اللي على الباكيت و بنصبه فوق قطعة فراولة على الصينية لحتى ما ما تصيص الصينية (يا رب تكونوا فهمتوا الموضوع)

و بعدين بالثلاجة
و صحة و هنا

و سوري على التأخير في لصور

تسلم إيدك

يعطيكي الف عافية

و كتيييير دسمة و لا يهمك الريجيم و لاغيره

وتسلم يدك على الطبق الحلو وشكله متعوب عليها بالفعل

وتغري مرررررررررة بالتجربة

حتى لو كانت خاصة بالفلسطينيات

حنا حنجربها يعني حنجربها

لأن إللي يبص عليها بصة وحدة ما يقدر يقاومها

يميميميميميميم